भरतपुर/चितवन जिल्ला अदालत बार एशोसियनका सचिव अधिवक्ता विनोद मिश्रद्धारा निर्मित नेपाली सामाजिक लघु ‘चलचित्र ‘थर्ड आई’ को प्रिमियर शो हुने भएको छ । आँखा दान सम्बन्धी जन चेतना जगाउने उद्देश्यले साउन १० गते विहान ८ बजे नारायणगढको क्षेत्रपुरमा रहेको जलमा हलमा प्रिमियर शो हुन लागेको हो ।

चलचित्रमा सरोज दाहाल, कमला अधिकारी, रेनुका प्रधान, विमला अधिकारी, राजु अधिकारी, विनोद मिश्र, राजीव न्यौपाने, केडी प्रशित र सुरज पोखरेल लगायतका कलाकारको अभिनय रहेको छ । सामाजिक जनचेतना जगाउन निर्माण गरिएको सो लघु चलचित्र जम्मा ४० मिनेटको छ । लघु चलचित्रले आँखासम्बन्धी जनचेतना मुलक र मृत्यु पछि आँखा दान गर्नुपर्छ भन्ने सन्देश दिएको निर्माता मिश्रले जानकारी दिनुभयो । चलचित्रको छायाङकन चितवन र काठमाण्डौंका विभिन्न ठाउँमा गरिएको छ । यस लघु कथा आशुतोश अधिकारीले निर्देशन गर्नुभएको हो । यसअघि थर्ड आई लघु चलचित्रले उत्कृष्ट फिल्म, उत्कृष्ट नायिका तथा उत्कृष्ट निर्देशकको अवार्ड समेत पाएको थियो ।