सौराहा/चितवन उद्योग संघ रत्ननगर इकाई समितिको आयोजनामा सदस्यता विस्तार प्रयोजन सौराहाका उद्योगीहरुसँग छलफल कार्यक्रम सम्पन्न भएको छ । चितवन उद्योग संघका उपाध्यक्ष एवं रत्ननगर इकाई समितिका अध्यक्ष गजेन्द्र अधिकारीको सभापतित्वमा सम्पन्न कार्यक्रममा चितवन उद्योग संघका अध्यक्ष राजु पौडेल प्रमुख अतिथि रहनुभएको थियो ।
कार्यक्रमका सभापति रत्ननगर इकाई समितिका अध्यक्ष एवं संगठन विस्तार एवं सदस्यता वृद्धि विभागका संयोजक गजेन्द्र अधिकारीले स्वागत गर्नुभएको कार्यक्रममा चितवन औद्योगिक विकास साकोसका उपाध्यक्ष एवं औद्योगिक नीति निर्माण तथा प्रदर्शनी केन्द्र सञ्चालन विभागका संयोजक युग राज वस्तीले सहकारीका बारेमा जानकारी गराउनु भएको थियो ।
कार्यक्रमका प्रमुख अतिथि एवं संघका अध्यक्ष राजु पौडेलले संघले अघि सारेका गतिविधि र उद्योगी र औद्योगिक सहकारीबीचको सम्बन्धका बारेमा आफ्नो धारणा राख्नुभएको थियो ।
कार्यक्रममा क्षेत्रीय होटल संघ, सौराहाका उपाध्यक्ष योगेन्द्रनाथ अधिकारी, रेष्टुरेष्ट एण्ड वार एशोसिएसन नेपाल सौराहाका अध्यक्ष दिपेन्द्र प्रसाद खतिवडा, क्षेत्रीय होटल संघ, सौराहाका निवर्तमान अध्यक्ष सुमन घिमिरे, रेवान सौराहाका निवर्तमान अध्यक्ष गोकर्ण गिरी, पर्यटन व्यवसायी सुवास गौतम, चितवन उद्योग संघका उपाध्यक्ष दुर्गाप्रसाद भण्डारी, कार्यकारी निर्देशक गणेशप्रसाद सिलवाल, कार्यसमिति सदस्य एवं खैरहनी इकाई समितिका अध्यक्ष प्रतिभा श्रेष्ठ, कार्यसमिति सदस्य एवं कालिका इकाई समितिका अध्यक्ष प्रकाशचन्द्र भट्टराई, कार्यसमिति सदस्य टिकादत्त अधिकारी, पूर्वकार्यसमिति सदस्य राशी लामा, संघका प्रशासकीय अधिकृत गोविन्द प्रसाद पौडेल, सञ्चार अधिकृत राजु भट्ट, रत्ननगर इकाई समितिका सदस्यहरु गोविन्दप्रसाद खनाल, शिव खनाल, प्रमिला पोखरेल, रत्ननगर इकाई समितिकी कार्यालय सचिव कञ्चन खनाल लगायतका उद्योगीहरुको उपस्थिति रहेको थियो ।
चितवन उद्योग संघ रत्ननगर इकाई समितिका सदस्य वेदप्रसाद भट्टराईले सञ्चालन गर्नुभएको कार्यक्रमलाई इकाई सदस्य उमाकान्त पौडेलले धन्यवाद मन्तव्य सहित समापन गर्नुभएको थियो ।