भरतपुर/“औद्योगिक सहकार्यका लागि सहकारी” भन्ने उद्देश्यका साथ स्थापित चितवन औद्योगिक विकास बचत तथा ऋण सहकारी संस्था लिमिटेडको आयोजनामा सहकारी ऐन, नियम तथा समसामयिक विषयवस्तुहरुको सम्बन्धमा एक दिवसीय अन्तरक्रिया तथा गोष्ठी सम्पन्न भएको छ ।
चितवन औद्योगिक विकास बचत तथा ऋण सहकारी संस्था लिमिटेडका अध्यक्ष त्रिलोचन कँडेलको अध्यक्षतामा सम्पन्न कार्यक्रममा साकोसका कार्यसमिति सदस्य एवम् शिक्षा उपसमितिका संयोजक दण्डपाणी भट्टले स्वागत एवम् कार्यक्रमको उद्देश्य माथि प्रकाश पार्नुभएको थियो ।
दिवसीय अन्तरक्रिया तथा गोष्ठी कार्यक्रममा चितवन औद्योगिक विकास साकोसकी व्यवस्थापक प्रमिला थापाले सहकारी ऐन, नियम तथा समसामयिक विषयवस्तुको बारेमा प्रस्तुतिकरण गर्नु भएको थियो । त्यस्तै कार्यक्रममा साकोसका कार्यससिति सदस्य एवम् शिक्षा उपसमितिका सदस्य सुरेन्द्र कार्कीले साकोसले शुरु गरेको मोवाइल एप्सको बारेमा जानकारी गराउनु भएको थियो । प्रस्तुतिकरण पछि साकोसका शेयर सदस्यहरुबाट आएका जिज्ञासाहरुलाई साकोसका अध्यक्ष त्रिलोचन कँँडेल र लेखा सुपरिवेक्षण समितिका संयोजक गोविन्द अर्यालले प्रष्ट्याउनु भएको थियो ।
एक दिवसीय अन्तरक्रिया तथा गोष्ठी कार्यक्रममा चितवन औद्योगिक विकास साकोसका सल्लाहकार हरि प्रसाद सुवेदी, चितवन उद्योग संघका उपाध्यक्ष मदन चिरञ्जीवी पोखरेल, साकोसका लेखा सुपरिवेक्षण समितिका संयोजक गोविन्द अर्याल, साकोसका शिक्षा उप समितिका सदस्य दुर्गालाल सापकोटा, साकोसका पूर्व कोषाध्यक्ष दुर्गा प्रसाद भण्डारी, संघका प्रशासकीय अधिकृत गोविन्द प्रसाद पौडेल, शेयर सदस्य लगायतको उपस्थिति रहेको थियो ।
चितवन औद्योगिक विकास साकोसकी व्यवस्थापक प्रमिला थापाले सञ्चालन गर्नुभएको एक दिवसीय अन्तरक्रिया तथा गोष्ठी कार्यक्रमलाई चितवन औद्योगिक विकास साकोसका अध्यक्ष त्रिलोचन कँडेलले धन्यवाद मन्तव्य सहित समापन गर्नुभएको थियो ।
Advertisement
