भरतपुर/भरतपुर महानगर उप प्रमुख चित्रसेन अधिकारीले नेपालको पत्रकारिता क्षेत्र व्यावसायिकता तर्फ अझै उन्मुख हुन नसकेको बताउनु भएको छ । पत्रकारहरुले स्वतन्त्र रुपले लेख्न, बोल्न पाउने वातावरण बन्न नसकेकै कारण पत्रकारिता क्षेत्रले व्यावसायिकता प्राप्त गर्न नसकेको हो उप प्रमुख अधिकारीले भन्नू भयो । सोच परिवर्तन नेपालले आज चनौलिमा आयोजना गरेको उदघोषण तथा पत्रकारिता तालिमलाइ सम्बोधन गर्दै उप प्रमुख अधिकारीले पत्रकारहरुको शान्ति सुरक्षाको समस्या पनि भयावह रुपमा बढेको बताउनु भयो । वहाँले समाचार लेखेकै भरमा र्राष्ट्को चौथो अग मानिएको पत्रकारिता क्षेत्र माथी असुरक्षा बढदै गएकोमा दुखेसो समेत प्रकट गर्नु भयो ।

सरकारले पत्रकारिता क्षेत्रलाई त्यसै र्राष्ट्को चौथो अग मानेको होईन उप प्रमुख अधिकारीले भन्नू भयो, आफ्नो हक अधिकारको लागि पत्रकारहरुले एउटै आवाज बनाएर अगाडि बढने समय आएको पनि उल्लेख गर्नु भयो । कार्यक्रममा तालिममा ५० जनाको सहभागिता रहेको छ । तालिमको प्रशिक्षकमा पत्रकार दिपेन्द्र अधिकारी, सिर्जना अर्याल, गोपाल दराइ, बिश्वराज अर्याल र रमेश घिमिरे रहेका छन । तालिम असार १७ गते सम्म चल्ने छ । सस्थाले १ सय ६६ वटा बिद्यालयहरुमा बिबिध खालका गतिविधिहरु गर्दै आइरहेको छ । सस्थाले आगामी दिनहरुमा सरसफाइ सम्बन्धि कामहरु गर्ने सोच बनाएको सस्थाका अध्यक्ष शिबराज कडेलले जानकारी दिनु भयो ।