भरतपुर/भरतपुर प्रबासी चितवन बहुउद्देश्यीय सहकारी सस्था भरतपुर १२ आफ्नो प्रारम्भिक साधारणसभा शनिबार भरतपुरमा सम्पन्न गरेको छ । सस्थाका कोषाध्यक्ष रबिन्द्र शाक्यले आर्थिक प्रतिबेदन र सचिव दुर्लभबन्धु पोख्रेलले सागाठानिक प्रतिबेदन प्रस्तुत गर्नु भएको थियोे । साधारण सभामा बोल्दै प्रमुख अतिथि भरतपुर महानगर पालिका १२ का वडा अध्यक्ष लेखराज पन्तले सहकारी संस्थाको दीगो विकासका लागि प्रभावकारी तालिमको साथै शिक्षाका कार्यक्रमहरु सञ्चालन गर्नु जरुरी रहेको पनि बताउनु भयो । सहकारीमा एकरूपता कायम गर्दै सहकारी शिक्षा, प्रशिक्षण र जागरणलाई समन्वयात्मक रूपमा एकीकृत ढंगले अगाडि बढाउनु आजको आवश्यकता रहेको अध्यक्ष पन्तको भनाइ छ । कार्यक्रममा चितवन सेवा समाज अन्तर्राष्ट्रिय समन्वय समितिका अध्यक्ष समीर खत्री, जिल्ला बचत संघ सामाजिक संजालका उप समिति सदस्य शोभाकान्त पौडेल,सस्थाका तदर्थ समितिका उपाध्यक्ष इन्द्र प्रसाद न्यौपाने, बचत कोसका पुर्ब सयोजक निमकान्त पान्डे, एन आर एन ए प्रबक्ता सोमनाथ सापकोटा,लगायतले मन्तव्य व्यक्त गर्नु भएको थियोे । कार्यक्रम सस्थाका अध्यक्ष मुक्ति प्रसाद अधिकारीको सभापतित्वमा सम्पन्न भएको थियोे । वि.सं. २०१३ सालमा तत्कालिन सरकारको आदेशमा चितवनमा बखान ऋण समिति गठन गरी १३ वटा प्रारम्भिक सहकारी संस्थाहरु स्थापना भएका थिए । नेपालमा पहिलो सहकारी बखान बहुउद्देश्यीय सहकारी संस्था हो । यो २०१३ साल चैत २० गते चितवनको शारदानगरमा स्थापना भएको थियो । सहकारी विभागको तथ्याङ्क अनुसार नेपालमा ३७ हजारको हाराहारीमा सहकारी संस्थाहरु सञ्चालनमा रहेका छन् । आधुनिक सहकारीको सुरुवात भने सन् १८४४ मा बेलायतबाट भएको मानिन्छ ।