भरतपुर/ निर्माण व्यवसायी संघ चितवन द्वारा आज जिल्ला प्रशासन कार्यालय चितवनमा पुगी शान्तिपुर्ण विराेध कार्यक्रम गरेकाे छ । प्रमुख जिल्ला अधिकारी आसमान तामाङ्गलाई पत्र वुझाउँदै पेट्राेलियम पदार्थमा भएकाे चरम मुल्यवृद्दिका कारण निर्माण सामाग्रीमा समेत अत्यधिक मुल्यबृद्धि भएकाे जसका कारण निर्माण व्यवसायीले जिम्मा लिदाका वखतकाे मुल्यमा हाल काम गर्न नसकिने उल्लेख छ । देशका ठुलाठुला परियाेजना समेत बन्द हुने अवस्थामा रहेकाे र निर्माण व्यवसायीहरु पेशावाटनै विस्थापित हुने अवस्था आएकाले मूल्य समायाेजन हुनुपर्ने ,११ औ नियमावली शंसोधनमा भएका त्रुटि हरु सच्याउनुपर्ने , चरम मुल्यवृद्दिका कारण हुने क्षतिलाई मुल्यवृद्दि समायाेजन दिनुपर्ने, बिमा समिति ले चरम कमिसन को खेलमा लागेर समग्र निर्माण ब्यबसायी लाइ ठुलो आर्थिक क्षति ब्यहोर्न बाध्य बनाएकाेमा सच्याउनुपर्ने लगायतका माग राख्दै पत्र हस्तान्तरण गरिएकाे थियाे। देशैभरका निर्माण व्यवसायीहरु वैशाख ११ गतेवाट कन्स्ट्रक्सन हाेलिडे गरि निर्माण आयाेजना बन्द गरि आन्दाेलनमा रहेका छन् ।
राज्यको चरम लापरवाहीका कारण पनि निर्माण व्यवसायीहरुले सास्ति भाेग्नुपरेकाे र चरम मुल्यवृद्दिले निर्माण व्यवसायीहरुले आफ्नाे घरखेत वेचेर काम गर्नुपर्ने अवस्था रहेकाले सरकारवाट यश विचमा समेत ग्यारेण्टि जफत गर्ने, कालाेसुचिमा राख्न सिफारिस गर्ने गरि अमानविय कार्य गरेकाे आराेप लगाईएकाे छ र उक्त कार्य तत्काल बन्द गर्न अनुराेध गरिएकाे छ। संघका अध्यक्ष केशवप्रसाद लामिछाने, संघका सल्लाहकारहरु हाेमकुमार शर्मा, हरिप्रसाद घिमिरे, निवर्तमान अध्यक्ष उमानन्द कँडेल लगायत निर्माण व्यवसायीहरु कार्यक्रममा सहभागी रहेका थिए।
चरम मुल्यवृद्धिको विषयलाई लिएर निर्माण व्यवसायीहरुले आजवाट हरेक सरकारि कार्यालयमा कालो व्यानर राख्ने कार्यक्रम रहेको संघका अध्यक्ष केशवप्रसाद लामिछानेले बताउनुभयो ।
