भरतपुर/विवेकशील साझा पार्टीबाट भरतपुरको मेयरका प्रत्यासी ई प्रविन काफ्लेले आइतबार कसरा पुगेरै चितवन राष्ट्रिय निकुञ्ज चिफ वार्डेनलाइ वन्यजन्तु आक्रमणबारे गम्भीर ध्यानाकर्षण गराएका छन्। चितवन राष्ट्रिय निकुञ्ज वरपरका सामुदायिक वन, बफर सीमाका नागरिकको बसोबासका क्षेत्रमा दिनहुँजसो वन्यजन्तु आक्रमणका घटनाहरु घट्दै आइरहेको भन्दै ध्यानाकर्षण पत्रमार्फत चितवन राष्ट्रिय निकुञ्ज प्रमुख संरक्षण अधिकारी हरिभद्र आचार्यलाई भेटेरै वन्यजन्तु आक्रमण रोक्न नागरिक तर्फबाट पनि पहलकदमी लिन जरुरी देखिने व्यहोरा जानकारी गराएका हुन्। उनले वन्यजन्तु आक्रमण रोक्न नागरिकको तर्फबाट पनि पहलकदमी लिन जरुरी देखिन्छ भने सरोकारवालाहरुबाट आवश्यक पहल कदमी यथासिघ्र लिन आवश्यक रहेको औंल्याए।