भरतपुर/भरतपुर महानगर–१६ निवासी २६ वर्षका दिवस चापागाईं विगत ६ दिनदेखि हराइरहेको उनका दाजु दिपेश चापागाईले उज्यालो टाईम्सलाई फोन सम्पर्कमा बताएका छन् । केही समयअघि बिरामी भई घरमै रेष्टमा बस्दै आएका चापागाईं एकाएक वेपत्ता भएपछि घरपरिवार, आफन्त र छरछिमेकमा निराशा पैदा भएको छ । परिवार स्रोतका अनुसार उनलाई अन्तिमपटक सानोगढीमा निलो सर्ट पाइन्ट र क्यापमा देखिएको थियो भने दाहिने हात राम्रोसँग नचल्ने बताइएको छ । उनी छिट्टै फर्किएर घर आउँनेछन् भन्नेमा पूर्ण विश्वास रहेको परिवारका सदस्यहरुले बताए ।

विभिन्न माध्यमबाट खोजी कार्य हुँदै आएको चापागाईंलाई देख्नुहुने, भेट्नुहुने जो जोकोहीले पनि नजिकको प्रहरी कार्यालय वा आफन्तहरुको तपसिलका नम्बरहरुमा सम्पर्क गरिदिनुहुन समेत अनुरोध गरिएको छ । Contact: 9845044048, 9845244227, 9855051518, 9845596172, 9845372365, 9855028686