भरतपुर/भरतपुर माहानगरका उप प्रमुख चित्रसेन अधिकारीले निर्माण ब्यबसायीहरुकै कारण जनप्रतिनिधिले चाहे अनुसारको कामको प्रगति नपाएको बताउनु भएको छ । उप प्रमुख अधिकारीले ठेक्का सम्झौता अनुसारको काम नगरी आलटाल गर्ने कम्पनीहरुलाइ कार्बाही गर्ने चेतावनी पनि दिनु भयो । भरतपुर माहानगर अन्तर्गतका विभिन्न सार्बजनिक निकायबाट सच्चालित आयोजनाहरुको हाल सम्मको प्रगति माथिको छलफल कार्यक्रममा बोल्दै उप प्रमुख अधिकारीले ठेकेदार कम्पनीहरुबाट हेलचक्राइ भइरहेको प्रति आपत्ति समेत प्रकट गर्नु भयो । उहाँले ठेकेदार कम्पनीहरुलाई सम्झौता अनुसारको समयमा काम सम्पन्न गर्न पनि निर्देशन दिनुभयो । चाडै काम गर्नुस, नत्र कारबाहीमा पर्नुहुन्छ उप प्रमुखले भन्नू भयो एक डेढ महिना पछि बस्ने अर्को समिक्षा बैठकमा आयोजनाको कामको प्रगति भएको खुशिको समाचार सुन्न पाइयोस् । आजको समिक्षा बैठकमा २०७८ फागुन ६ गते बसेको प्रगति समिक्षा बैठकमा सम्बन्धित आयोजनाको निर्माण ब्यबसायिहरुबाट निर्माण सम्पन्नका लागि प्रतिबद्धता पूरा नभएको सन्दर्भमा पनि समिक्षा गरिएको छ ।

बैठकमा सघिय, प्रदेश र स्थानीय निकायबाट भएका बिकासका आयोजनाहरुको बारेमा पनि बृहत छलफल भएको छ । कार्यक्रमा बोल्दै माहानगरका प्रमुख प्रशाशकिय अधिकृत रामबाबु सुबेदिले भरतपुर माहानगर भित्रका विभिन्न २४ वटा निर्माण कम्पनीहरु कालो सुचिमा पर्ने तयारीमा रहेको बताउनु भयो । उहाँले माहानगर सम्झौताबाट पछि हट्दैन, घाटा नाफा जे भएपनी ठेक्का सम्झौता अनुसारको काम समयमै सम्पन्न गर्न पनि ठेकेदार कम्पनीहरुसग आग्रह गर्नुभयो । उहाले पटक पटक पत्राचार गर्दा पनि कामको परिणाम नआउनु उनिहरुको नियतमाथिको प्रश्न भएको बताउनु भयो । त्यस्तै कार्यक्रममा बोल्दै प्रमुख जिल्ला अधिकारी आसमान तामाङले करारमा काम गर्ने निर्माण कम्पनीहरुलाइ समयमै काम सक्न अनुरोध गर्नु भयो । समयमै काम सम्पन्न नगर्ने कम्पनीहरुलाइ स्थानीय प्रशासन ऐन अनुसार कारबाही गरिने पनि प्रष्ट पार्नु भयो ।

कार्यक्रममा हुलाकी सडकमा बिजुलीको पोलको समस्या, बाइपास सडकमा सिचाइ भबनको समस्या, रकम समयमै नपाएको समस्या र राज्यले एकै पटक धेरै समयको लागि म्याद थप गर्नुले नै समस्या उत्पन्न भएको विभिन्न ठेकेदार कम्पनीहरुले गुनासो गरेका छन । भरतपुर सिटि हल, देबघाट विद्युतिय शबगृह, प्रचण्ड मार्ग, लिक रोड, रिङ रोड लगायतका अति गौरबका आयोजनाहरुको निर्माण कार्यमा ढिला सुस्ती हुँदै आइरहेको छ । ठेकेदार कम्पनीहरुकै लापरबाहीका कारण निर्माणधिन ६ लेनको पुल्चोक गोन्द्राङ सडक खण्ड अन्तर्गत गोन्द्राङको सडक छेउमा खनिएको नालिको खाचमा परि केही समय अगाडि बिश्वकै दुर्लभ एक सिगे गैडा मरेको थियोे । सरकारले आगामी असार १ गते देखि भदौ मसान्तसम्म कुनै पनि सडक खन्नमा रोक लगाएको छ ।