काठमाण्डौं/बगैया गाउँपािलका वडा नं. ४ हेटौडा निवासी अमर श्रेष्ठ र यशोदा श्रेष्ठका ७ महिनाको छोरा ईभान श्रेष्ठ हाल संसारकै दुर्लभ मानिने Spinal Muscular Atrophy Type 1 (SMA1) अणुबन्सिक रोगबाट जीवनमरणको अवस्थामा पीडित भई एकहप्तादेखि कान्ति बाल अस्पताल काठमाण्डौंमा पिआईसियूमा उपचार गराईरहेको पारिवारिक स्रोतले जानकारी दिएको छ ।

अस्पतालका विशेषज्ञ डाक्टरहरुको टोलीले उक्त रोगको उपचारको लागि विश्वकै महङ्गो औषधि Zolgensma प्रयोग गर्नुपर्ने र उक्त औषधिको नेपाली मूल्य २५.५ करोड भन्दा बढी पर्ने हुँदा बच्चाको उपचारको लागि परिवारले विभिन्न माध्यमबाट सहयोगको अपेक्षा गरेका छन् । परिवार स्रोतको सहयोगको अपेक्षा गरे अनुसार देशविदेशबाट सहयोगहरु प्राप्त भईरहेको समेत जनाइएको छ । बच्चाको उपचारको लागि परिवारको खाता नं. अमर श्रेष्ठ (बच्चाको बुबा), Nepal SBI Bank, Hetauda A/C No.: 20015242900711 मा सहयोग रकम उपलब्ध गराउन र सम्पर्क नं अमर श्रेष्ठ (बच्चाको बुबा) 9855088799, यशोदा श्रेष्ठ (बच्चाको आमा) 9845302497 मा सम्पर्क गर्न सकिने समेत जानकारी गराइएको छ ।