मेघौली/चितवन उद्योग संघको २८ औं बार्षिक साधारणसभा एवं १५ औं अधिवेशनबाट निर्वाचित कार्यसमितिले आफ्नो दुईवर्षे कार्ययोजना सहित विशेष कार्ययोजना तर्जुमा गोष्ठी सम्पन्न भएको छ । चितवन उद्योग संघका अध्यक्ष राजु पौडेलको अध्यक्षतामा सम्पन्न कार्यक्रममा वर्ष २०७६/०७८ को दुईवर्षे कार्यकालका लागि कार्ययोजना घोषणा गरिएको छ ।

तर्जुमा गोष्ठीमा संघका पूर्व अध्यक्ष कृष्णप्रसाद अधिकारीबाट चितवन उद्योग संघको इतिहास, स्थापनाको मर्म, भावना उद्देश्य, संघका निवर्तमान अध्यक्ष भेषराज दुवाडीले सम्पूर्ण विभागीय योजनाहरुको समिक्षात्मक टिप्पणी सहित औद्योगिक क्षेत्र सम्बन्धि, उपाध्यक्ष त्रिलोचन कँडेलले सरकारी एवं गैर सरकारी समन्वय तथा औद्योगिक शिक्षालय निर्माण सम्बन्धि, उपाध्यक्ष सूर्यप्रसाद न्यौपानेले आर्थिक योजना तथा प्रदर्शनी केन्द्र निर्माण सम्बन्धि, उपाध्यक्ष मदन घिमिरेले सचिवालय विभाग सम्बन्धि, उपाध्यक्ष दुर्गाप्रसाद भण्डारीले क्षमता अभिवृद्धि एवं औद्योगिक भ्रमण सम्बन्धि, उपाध्यक्ष गजेन्द्र अधिकारीले संगठन विस्तार एवं सदस्यता वृद्धि सम्बन्धि, त्यस्तै उपाध्यक्ष युग राज वस्तीले औद्योगिक नीति निर्माण समन्वय तथा प्रदर्शनी केन्द्र सञ्चालन सम्बन्धित प्रस्तुतिकरण गर्नुभएको थियो । उहाँहरुले राख्नु भएको प्रस्तुतिकरण माथि छलफल समेत गरिएको थियो ।

चितवन उद्योग संघका अध्यक्ष राजु पौडेलले स्वागत मन्तव्य राख्नुभएको कार्यक्रमलाई चितवन उद्योग संघका उपाध्यक्ष त्रिलोचन कँडेलले धन्यवाद मन्तव्य सहित समापन गर्नुभएको थियो ।
कार्ययोजना तर्जुमा गोष्ठीमा चितवन उद्योग संघका गभर्निङ काउन्सिलका संयोजक हरिप्रसाद सुवेदी, पूर्वअध्यक्षहरु सोमराज मरहट्टा, ताराप्रसाद पौडेल, गुणाकर खरेल, चितवन उद्योग संघका कार्यकारी निर्देशक गणेशप्रसाद सिलवाल, चितवन उद्योग संघका कार्यसमिति सदस्यहरु प्रतिभा श्रेष्ठ, भोजराज खनाल, अम्बर बहादुर अधिकारी, मदन चिरञ्जीवी पोखरेल, बिष्णु प्रसाद पौडेल, ताराबहादुर कार्की, जितबहादुर हमाल, गोपाल प्रसाद गैरे, हरिप्रसाद भट्ट, दिनुपकुमार बराल, टिकादत्त अधिकारी, दण्डपाणी भट्ट, पुरुषोत्तम रिजाल, रामचन्द्र अधिकारी, सुधा सुवेदी पौडेल, अमर घिमिरे, वसन्त बहादुर पाण्डे, परमेश्वर भण्डारी, महिला उद्यमी मञ्चकी सदस्य दक्षिणा गैरे न्यौपाने, युवा उद्यमी मञ्चका उपाध्यक्ष सुरेन्द्र कार्की, प्रशासकीय अधिकृत गोविन्द प्रसाद पौडेल, परियोजना व्यवस्थापक रोचक अधिकारी, साकोसकी व्यवस्थापक श्री प्रमिला थापा, सञ्चार अधिकृत राजु भट्ट, इभेन्ट सुपरभाइजर दिपक दुवाडीलगायतको उपस्थिति रहेको थियो ।