चितवन/ भरतपुर २९ को वडाध्यक्षममा एमालेका उमेद्वार मानबहादुर मगरलाई हराउँदै गठबन्धनका तर्फाबाट नेपाली कांग्रेसका उमेद्वार सूर्यबहादुर गुरुङ विजयी भएका छन् । यस अघिको निर्वाचनमा निवर्तमान वडाध्यक्ष मानबहादुरसँग हारेका गुरुङले यसपाली उनै मगरलाई पराजित गरेका हुन् । वडाध्यक्षमा विजयी भएका गुरुङ र पराजित मगर बीच मीतको सम्बन्ध रहेको छ ।विजयी भएका गुरुङलाई कुनै पूर्वाग्रह नराखी सहयोग गर्ने निवर्तमान अध्यक्ष मगरले बताए ।
भरतपुरको २९ वार्डमा नेपाली काँग्रेसले १,२,४,५,६,८,१०,,१४,१५,१६,१७,२०,२१,२३,२७,र २९ गरेर १६ वटा वडाध्यक्षमा जितेको छ । नेकपा एमालेले ३,११,१२,१८,१९ र २८ गरेर ६ वटा वडाध्यक्ष जितेको छ । नेकपा माओवादी केन्द्रले १३,२४ र २६ गरेर ३ वार्ड तथा नेकपा (एकीकृत समाजवादी)ले ७, ९ र २२ गरेर ३ वार्ड जित्न सफल भएका छन् । भरतपुर महानगरपालिका वडा नं. २५ को वडाध्यक्षमा स्वतन्त्र उम्मेदवार छबिलाल सापकोटा विजयी भएका छन् ।
