काठमाण्डौ/वाणिज्य बैंकहरूको निक्षेपमा झिनो सुधार देखिएको छ । वैशाख तेस्रो हप्ताको तुलनामा चौथो हप्तामा वाणिज्य बैंकहरूको निक्षेप सङ्कलन पाँच अर्ब रुपैयाँले मात्रै बढेको हो । नेपाल बैंकर्स सङ्घका अनुसार वैशाख चौथो हप्तामा वाणिज्य बैंकहरूको कुल निक्षेप ४३ खर्ब ७३ अर्ब रुपैयाँ पुगेको छ । वैशाख १६ गतेसम्म ४३ खर्ब ६७ अर्ब रहेको निक्षेप २३ वैशाखसम्म आइपुग्दा पाँच अर्ब बढेर ४३ खर्ब ७३ अर्ब रुपैयाँ पुगेको हो ।

वैशाखयता निरन्तर घटेको निक्षेप पछिल्लो हप्ता केही सुधार देखिएको छ । वैशाख चौथो हप्ता निक्षेपमा सुधार आए पनि कर्जा लगानी भने घटेको छ । तेस्रो हप्ता ४१ खर्ब ९३ अर्ब रुपैयाँ कर्जा लगानी भएकोमा चौथो हप्तामा ४१ खर्ब ९७ अर्ब रुपैयाँ बराबर कर्जा लगानी भएको हो ।

गएको हप्ताको तुलनामा कर्जा लगानीमा चार अर्ब रुपैयाँले कमी आएको छ । बैंकहरूले गएको फागुन चौथो हप्ता ४३ खर्ब ८९ अर्ब रुपैयाँ निक्षेप सङ्कलन र ४१ खर्ब ९७ अर्ब रुपैयाँ कर्जा लगानी गरेका थिए । सङ्घले सार्वजनिक गरेको तथ्याङ्कअनुसार वाणिज्य बैंकहरूको सीडी रेसियो ९० दशमलव ८१ प्रतिशत पुगेको छ ।