चितवन/ नेकपा एमाले भरतपुर महानगर पालिका वडा नम्बर २ ले स्थानीय निर्वाचन लक्षित गरि एक हजार एक सदस्यीय परिचालन कमिटी गठन गरेकाे छ । पार्टीका स्थानीय नेता एवम् वडाअध्यक्ष पूर्णबहादुर श्रेष्ठकाे संयाेजकत्वमा आज एक कार्यक्रमका बिच निर्वाचन परिचालन कमिटी गठन गरिएको हाे । वडामा पार्टी प्रति व्यापक जनलहर बढेकाले यति ठुलाे संख्यामा कमिटी गठन गरिएको निर्वाचन प्रचार समितिका संयाेजक नवराज ढकालले जानकारी दिनुभयो । भरतपुर -२ मा एमालेले स्थानीय समुदायमा लाेकप्रिय कृष्ण केसीलाई अध्यक्षकाे उमेदवारका रुपमा अघि सारेकाे छ ।

“पार्टीकाे स्टेन्थ पनि व्यापक छ, हाम्रा उमेदवार पनि लाेकप्रिय छन् ” ढकालले भन्नुभयो । पार्टी वार्ड कमिटीले आज नयाँ बर्ष २०७९ को शुभकामना आदानप्रदान कार्यक्रम र निर्वाचन परिचालन समिति घोषण कार्यक्रम एमाले केन्द्रिय कमिटी सदस्य एवम् राष्ट्रिय सभा सदस्य पार्वती रावलको प्रमुख आथित्य र भरतपुर महानगरका मेयर का उमेदवार बिजय सुबेदीको बिशिष्ट आथित्यतामा सम्पन्न गरेको थियाे । कार्यक्रममा बाेल्दै नेताहरुले भरतपुर महानगरमा एमालेकाे जीत सुनिश्चित रहेको उल्लेख गर्दै उच्च मनाेवलका साथ प्रचारमा उत्रन आह्वान गरे ।

एमाले वडा कमिटी अध्यक्ष लक्ष्मण सुवेदीकाे अध्यक्षतामा भएको कार्यक्रममा अन्य परिचालन समितिका जिम्मेवारी पनि बिभाजन गरिएको थियाे । जस्मा निर्वाचन प्रचार प्रसार समितिकाे संयाेजकमा नवराज ढकाल, युवा परिचालन समितिकाे संयाेजकमा बिकासमान श्रेष्ठ,अनुगमन समितिकाे संयाेजकमा केदारनाथ खनाल, प्रतिवद्दता निर्माण समितिकाे संयाेजकमा भोला अधिकारी ,महिला परिचालन समितिकाे संयाेजकमा रुपा पिया, जन सङगठन परिचालन समितिकाे संयाेजकमा केशव थापा निरु , आर्थिक समितिकाे संयाेजकमा श्री राम पाण्डे र कार्यालय ब्यवस्थापन समितिकाे संयाेजकमा लक्ष्मण सुवेदी चयन हुनुभएको छ ।