चितवन उद्योग संघ महिला उद्यमी मञ्चकी अध्यक्ष पार्वती सुवेदी कँुबरको सभापतित्वमा सम्पन्न कार्यक्रममा भरतपुर महानगरपालिका कार्यालयकी उपप्रमुख पार्वती शाह प्रमुख अतिथि रहनुभएको थियो ।

कार्यक्रमका प्रमुख अतिथि शाहले ६७ औं पटक रक्तदान गर्नुभएका कार्यक्रमका विशिष्ट अतिथि चितवन उद्योग संघका अध्यक्ष त्रिलोचन कँडेललाई ब्लड किट हस्तान्तरण गरी कार्यक्रमको उद्घाटन गर्नुभएको थियो ।

चितवन उद्योग संघ महिला उद्यमी मञ्चकी उपाध्यक्ष एवम् कार्यक्रम संयोजक सिर्जना सोतीले स्वागत मन्तव्य सहित कार्यक्रमको उद्देश्य माथि प्रकाश पार्नुभएको कार्यक्रममा, निवर्तमान अध्यक्ष राजु पौडेल, सशस्त्र प्रहरी बल नेपाल नं. १७ चितवनका सशस्त्र प्रहरी उपरीक्षक मनोज थापा, भरतपुर महनगरपालिका वडा न. १० का अध्यक्ष एवम् महानगरपालिकाका प्रवक्ता अरुण पिडित भण्डारी, बरिष्ठ महिला उद्यमी एवम् समाजसेवी डा. शारदा कुँबर, कालीबहादुर गण, भरतपुर, व्यारेकका सेनानी विजय बहादुर दुरा, महिला उद्यमी मञ्चकी निवर्तमान अध्यक्ष सुधा सुवेदी पौडेल, फर्निचर तथा फर्निसिङ व्यवसायी संघका अध्यक्ष लिलबहादुर क्षेत्री, संघका उपाध्यक्षहरु मदन घिमिरे, गजेन्द्र अधिकारी, मदन चिरञ्जीवी पोखरेल, कार्यकारी निर्देशक गणेशप्रसाद सिलवाल, संघका कार्यसमिति सदस्यहरु, महिला उद्यमी मञ्चका पदाधिकारी एवम् सदस्यहरु, युवा उद्यमी मञ्चका अध्यक्ष सुरेन्द्र कार्की लगायतको सहभागिता रहेको थियो ।

कार्यक्रमका प्रमुख अतिथि शाहले रक्तदान कार्यक्रमलाई सफल बनाउन सहयोग पु¥याउने फर्निचर तथा फर्निसिङ व्यवसायी संघ, संघका उपाध्यक्ष मदन चिरञ्जीवी पोखरेल, कार्यसमिति सदस्य एवम् युवा उद्यमी मञ्चका अध्यक्ष सुरेन्द्र कार्की, गैंडाकोट–२, नवलपुर निवासी ओमकाजी श्रेष्ठलाई प्रशंसा पत्रद्वारा सम्मान गर्नुभएको थियो ।

१०३ जनाले रक्तदान गरेको कार्यक्रममा चितवन उद्योग संघका अध्यक्ष त्रिलोचन कँडेल, भरतपुर महानगरपालिका वडा नं. १० का वडाअध्यक्ष अरुण पीडित भण्डारी, उद्योग वाणिज्य संघ–चितवनकी महिला उद्यमी समिति संयोजक रजनी मास्के, चितवन उद्योग संघ महिला उद्यमी मञ्चकी सदस्य चन्दना कोइरालाले ११२औं अन्तर्राष्ट्रिय नारी दिवसको शुभकामना व्यक्त गर्नुभएको थियो ।

रक्तदान कार्यक्रमलाई चितवन उद्योग संघ महिला उद्यमी मञ्चकी अध्यक्ष पार्वती सुवेदी कँुबरले धन्यवाद मन्तव्य सहित समापन गर्नुभएको थियो ।