नेपाल जनस्वास्थ्य संघ (नेफा) बागमती प्रदेशले स्वास्थ्य मन्त्रालयको सभाहलमा अन्तरक्रिया कार्यक्रम सम्पन्न गरेको छ । उक्त कार्यक्रममा नेफाले आगामी आर्थिक बर्षको कार्यक्रम मा समाबेश गर्नुपर्ने जनस्वास्थ्यका कार्यक्रमहरुको बारेमा छलफल गरिएको छ ।
नेफा बागमती प्रदेश अध्यक्ष प्रा. डा. किशोर अधिकारीको सभापतित्वमा सम्पन्न उक्त कार्यक्रममा स्वास्थ्य सचिब बद्रीबहादुर खड़काले जनस्वास्थ्यका कार्यक्रमहरुलाई अन्य मन्त्रालय संग समन्वय तथा सहकार्य गरेर संचालन गर्नुपर्नेमा जोड दिनुभएको थियो भने बरिस्ठ जनस्वास्थ्य प्रशासक दिपक तिवारीले नसर्ने रोगको प्रकोप शहरी क्षत्रमा बढ्दो क्रममा रहेको र यसको दिर्घकालिन समाधानको लागि भिभिन्न कार्यक्रमको आबस्यकता रहेको बताउनुभएको थियो भने जनस्वास्थ्य प्रशासक श्री दुर्गादत्त चापागाईंले जनस्वास्थ्यका कार्यक्रमहरूलाई प्रभाबकारी बनाउन अपनाउनुपर्ने नितिगत तथा सैद्धान्तिक पक्षको बारेमा प्रष्ट पार्नुभएको थियो।
यस्तैगरी नेफा बागमती प्रदेस अध्यक्ष प्रा. डा. किशोर अधिकारीले पालिकाका नीति तथा कार्यक्रम विकासको प्रक्रियामा नेफाले आवस्यक बौदिक सहयोग प्रदान गर्नुको साथै कार्यान्वयनमा समेत नेफाले सहयोग गर्ने प्रतिबद्दता जाहेर गर्नुभयो। कार्यक्रममा नेफाले जनस्वास्थ्य नीति तथा कार्यक्रम विकास, कार्यान्वयन र मूल्याङ्कनको प्रक्रियामा सरकारी तथा गैरसरकारी संस्थालाई सहयोग गर्नको लागि आबस्यक सैदान्तिक एबम ब्यबहारिक पक्षको बारेमा संघको तर्फबाट देबराज रेग्मी, रुद्र प्रसाद शर्मा, कृष्ण मिजार तथा सावित्रा न्यौपानेले प्रस्ट पार्नुभएको थियो।
