भरतपुर/तीन दिने सहकारी अवलोकन भ्रमणमा चितवन आईपुगेको सर्वोदय बहुउद्देश्यीय सहकारी संस्था काठमाण्डौंको टोलीले चितवन उद्योग संघ परिसरमा निर्माणाधिन चितवन प्रदर्शनी केन्द्रको स्थलगत अवलोकन गरेको छ । सर्वोदय बहुउद्देश्यीय सहकारी संस्थाका अध्यक्ष पशुपति कार्कीको नेतृत्वमा आएको टोलीमा १५ जनाको सहभागिता रहेको थियो । अवलोकन पश्चात औद्योगिक सहकार्यका लागि सहकारी भन्ने नाराका साथ स्थापित चितवन औद्योगिक विकास वचत तथा ऋण सहकारी संस्था लिमिटेड र सर्वोदय बहुउद्देश्यीय सहकारी संस्था काठमाण्डौं बीच साकोस सञ्चालन प्रक्रियाका विषयमा छलफल समेत गरिएको थियो ।
चितवन औद्योगिक विकास साकोसका अध्यक्ष त्रिलोचन कँडेलको अध्यक्षतामा बसेको छलफलमा दुबै सहकारीका पदाधिकारी एवम् सदस्यहरुले सहकारीसँगै अन्य व्यवसायिक योजना र त्यसका कार्र्यान्वयन र उपलब्धीका बारेमा छलफल एवम् अनुभव साटासाट गर्नुभएको थियो ।
चितवन उद्योग संघ एवम् चितवन औद्योगिक विकास साकोसका अध्यक्ष त्रिलोचन कँडेलले चितवन उद्योग संघ एवम् चितवन औद्योगिक विकास साकोसका महत्वपूर्ण परियोजनाहरुको बारेमा प्रकाश पार्नुभएको कार्यक्रममा चितवन उद्योग संघ कार्यसमिति सदस्य एवम् चितवन औद्योगिक विकास साकोसका सञ्चालक समितिकी सदस्य पार्वती सुवेदी कुँबर, चितवन उद्योग संघ महिला उद्यमी मञ्चकी सदस्य सीता धिताल, साकोस व्यवस्थापक प्रमिला थापा, सञ्चार अधिकृत राजु भट्ट, कार्यक्रम अधिकृत विकास भट्ट लगायतको उपस्थिति रहेको थियो ।
चितवन उद्योग संघका प्रशासकीय अधिकृत गोविन्द प्रसाद पौडेलले सञ्चालन गर्नुभएको कार्यक्रमलाई चितवन उद्योग संघका उपाध्यक्ष तारा बहादुर कार्कीले धन्यवाद मन्तव्य सहित समापन गर्नुभएको थियो ।