माडी/चितवन मेटल इन्जिनियरिङ एण्ड फे्रबिकेशन उद्योग समिति र माडी मेटल व्यवसायी संघ समन्वय समितिबीच एकीकरण सहितको कार्यगत एकता घोषणा सभा सम्पन्न भएको छ ।
चितवन मेटल इन्जिनियरिङ एण्ड फे्रबिकेशन उद्योग समितिका अध्यक्ष तारा बहादुर कार्की र माडी मेटल व्यवसायी संघ समन्वय समितिका अध्यक्ष खिमानन्द न्यौपानेको संयुक्त अध्यक्षतामा एकीकरण सहितको कार्यगत एकता घोषणा सभा सम्पन्न भयो ।
माडी मेटल व्यवसायी संघ समन्वय समितिका अध्यक्ष खिमानन्द न्यौपानेले स्वागत मन्तव्य सहित कार्यक्रमको उद्देश्य माथि प्रकाश पार्नुभएको कार्यक्रममा चितवन उद्योग संघ माडी इकाई समितिका अध्यक्ष भोजराज खनाल प्रमुख अतिथि रहनुभएको थियो ।
चितवन मेटल इन्जिनियरिङ एण्ड फे्रबिकेशन उद्योग समितिका अध्यक्ष तारा बहादुर कार्कीले समितिको जिल्लाको गतिविधि र भावी योजनाको बारेमा जानकारी गराउनु भएको थियो ।
माडी मेटल व्यवसायी संघ समन्वय समितिलाई चितवन मेटल इन्जिनियरिङ एण्ड फे्रबिकेशन उद्योग समितिले सानो घडाको पानी ठूलो घडामा राखी विधिवत् रुपमा माडी इकाईको रुपमा एकीकरण सहितको कार्यगत एकता घोषणा गरियो ।
घोषणा कार्यक्रम पश्चात चितवन मेटल इन्जिनियरिङ एण्ड फे्रबिकेशन उद्योग समिति माडी इकाई समितिको नयाँ कार्यसमिति समेत चयन गरिएको छ । निर्वाचन समितिले नवनिर्वाचित कार्यसमितिको समेत नामावली घोषणा गरेको थियो । नवनिर्वाचित कार्यसमितिको अध्यक्षमा बलबहादुर परियार, उपाध्यक्षमा अर्जुन कुमार श्रेष्ठ, सचिवमा हृदेश कुमार कलवार, कोषाध्यक्षमा विशाल शाह, सदस्यहरुमा अर्जुन महतो, रोम बहादुर सुनुवार, होम बहादुर डालामगर, हरिराज गिरी रहनुभएको थियो । निर्वाचित सदस्यहरुलाई निर्वाचन मण्डलका संयोजक गोविन्द प्रसाद पौडेलले सपथ खुवाउनु भएको थियो ।
कार्यक्रममा चितवन मेटल इन्जिनियरिङ एण्ड फे्रबिकेशन उद्योग समितिका उपाध्यक्ष कृष्ण प्रसाद भण्डारीले नवनिर्वाचित सम्पूर्ण पदाधिकारी एवम् कार्यसमितिहरुलाई धन्यवाद सहित शुभकामना व्यक्त गर्नुभएको थियो । भने, कार्यक्रमको समापन चितवन मेटल इन्जिनियरिङ एण्ड फे्रबिकेशन उद्योग समितिका उपाध्यक्ष मोहनलाल श्रेष्ठले धन्यवाद मन्तव्य सहित समापन गर्नुभएको थियो ।