देवघाट/तनहुँ देवघाट गाउँपालिका नेपाली काङ्ग्रेसका समाजसेवी युवा नेता अर्जुन अधिकारीले आफ्नो जन्मदिनको अवसरमा देवघाट ३ छिपछिपे भन्ज्याङ्ग बालकेश माध्यमिक विद्यालयमा अध्यनरत र देवघाट २ नरम जानकी आधारभूत विद्यालयमा अध्ययनरत दुई विद्यालयका करिब १ सय ६० जना विद्यार्थीहरुलाई अर्जुन अधिकारीले आफ्नो जन्मदिनको अवसरमा स्टेशनरी सामग्री वितरण गरिएको छ। कार्यक्रमलाई सम्बोधन गर्दै कार्यक्रमका प्रमुख अतिथि महा समिति सदस्य एवं पुर्व महामन्त्री नेविसंघका आनन्दराज त्रीपाठीले शैक्षिक क्षेत्रको बिकास र शैक्षिक गुणस्तरलाई अगाडी बढाउन सके मात्रै गाउँ टोल र समुदाय हुँदै देशको बिकास हुने उहाँले बताउनु भएको थियो ।साथै पुर्व महामन्त्री त्रीपाठीले देवघाट गाउँपालिकाको शैक्षिक क्षेत्र बिकासको निम्ति आफ्नो तर्फबाट सक्दो सहयोग गर्ने बताउदै जन्मदिनको अवसरमा विद्यार्थीहरुलाई प्रोत्साहन लक्ष्यित कार्यक्रम आयोजना गरेकोमा समाजसेवी युवा नेता अर्जुन अधिकारीलाई धन्यवाद समेत दिनुभएको थियो।

सो कार्यक्रमका विशेष अतिथि नेपाली काङ्ग्रेसका समाजसेवी युवा नेता अर्जुन अधिकारीले कार्यक्रममा बोल्दै पछिल्लो समय केहि दाजुभाइ दिदिबहिनीहरुले आफ्नो जन्मदिन तड्कभड्क र भड्किलो तरिकाले मनाउदै आईरहेको हुँदा केहि हद सम्म भए पनि मार्गनिर्देशन बन्न सकिन्छ कि भन्ने उद्देश्यको साथ आफुले आफ्नो जन्मदिन विद्यालायमा अध्यनरत विद्यार्थीहरुलाई प्रोत्साहन स्वरुप स्टेशनरी सामग्री वितरण गरिएको उहाँले बताउनुभयो। साथै अधिकारीले शिक्षा क्षेत्रको बिकास भए मात्रै ठाउँको पनि बिकास हुने बताउदै शिक्षा गुणस्तरको लागी सवै संघ संस्थाहरु संघ समन्वय गरि आफु अगाडी बढ्ने र कुनै पनि बालबालिकाहरु शिक्षा देखी बन्चित हुन नहुने उहाँले बताउनुभयो।

सो कार्यक्रममा देवघाट गाउँपालिका कार्यपालिका सदस्य भोगिमाया राना र यममाया गुरुङ,नेपाली काङ्ग्रेस देवघाट गाउँपालिका सचीव भरत आचार्य,नेपाली काङ्ग्रेस देवघाट २ का पार्टी सभापति मिन बहादुर राना,नेपाली काङ्ग्रेस देवघाट ३ का पार्टी सभापति गंगासिङ्ग बिक.नेपाली काङ्ग्रेस देवघाट ४का पार्टी सभापति नर बहादुर गुरुङ,नेपाली काङ्ग्रेस देवघाट ५ का पार्टी सभापति सोमनाथ ढकाल,बालकेश माध्यमिक विद्यालयमा प्र.अ.प्रेमकुमार बाचे,बालकेश माध्यमिक विद्यालयमा स.प्र.अ.आसकुमार गुरुङ,बालकेश माध्यमिक विद्यालय ब्यबस्थापन सदस्य हिरामाया थापा,ने.बि.संघका जिल्ला प्रतिनिधि उत्तम लामा,तरुण दल देवघाटका सदस्य सुर्य घर्ती,सुशील अधिकारी र सन्दीप बगाले नेपाली काङ्ग्रेस देवघाट ३ तरुण दलका सदस्य इन्द्र राना लगाएतको उपस्थिति रहेको थियो भने रविन्द्र गुरुङले कार्यक्रम सञ्चालन गर्नुभएको थियो।