राप्ती/चितवन उद्योग संघ राप्ती इकाई समितिको तेश्रो वार्षिक साधारण सभा तथा दोश्रो अधिवेशनबाट निर्वाचित कार्यसमितिको कार्ययोजना तर्जुमा गोष्ठी सम्पन्न भएको छ ।
चितवन उद्योग संघ, राप्ती इकाई समितिका अध्यक्ष सुदिप कुमार ओलीको अध्यक्षतामा सम्पन्न कार्यक्रममा चितवन उद्योग संघका अध्यक्ष त्रिलोचन कँडेल प्रमुख अतिथि रहनुभएको थियो ।
राप्ती इकाई समितिका अध्यक्ष सुदिप कुमार ओलीले कार्यक्रमको उद्देश्य माथि प्रकाश पार्नुभएको कार्यक्रममा इकाई समितिका उपाध्यक्ष एवम् विभागका संयोजक खिल प्रसाद घिमिरेले नीति निर्माण समन्वय, क्षमता अभिवृद्धि एवम् सदस्यता बिस्तार विभाग सम्बन्धि प्रस्तुति दिनुभएको थियो । उक्त विभागको सदस्यमा राजेन्द्र बहादुर कार्की रहनुभएको थियो । त्यस्तै सचिव एवम् विभागका संयोजक राजेश रुम्बा लामा तामाङले सचिवालय विभाग सम्बन्धि प्रस्तुति दिनुभएको थियो । उक्त विभागको सदस्यमा रिक्त बहादुर गुरुङ रहनुभएको थियो ।
त्यस्तै बुद्धिराम चौधरीको अनुपस्थितिमा सचिव राजेश रुम्बा लामाले आर्थिक योजना, औद्योगिक राहत कोष परिचालन विभाग सम्बन्धि प्रस्तुति दिनुभएको थियो । उक्त समितिमा लेखा समिति सदस्य हरि प्रसाद उप्रेती र हरि किरण प्रधान रहनुभएको थियोे ।
प्रस्तुत गरिएको विभागीय टिप्पणी माथि जिल्लाको योजना र प्रशिक्षण सहित नीति निर्माण समन्वय तथा उद्यमी पाठशाला सञ्चालन विभागका संयोजक एवम् उपाध्यक्ष युग राज वस्ती, सदस्यता विस्तार तथा औद्योगिक भ्रमण विभागका संयोजक एवम् उपाध्यक्ष मदन चिरञ्जीवी पोखरेल, उद्यमी समन्वय एवम् औद्योगिक राहत कोष व्यवस्थापन विभागका संयोजक एवम् उपाध्यक्ष तारा बहादुर कार्कीले मन्तव्य राख्नुभएको थियो ।
गोष्ठीमा प्रमुख अतिथि चितवन उद्योग संघका अध्यक्ष त्रिलोचन कँडेलले संघले अघि सारेका महत्वपूर्ण परियोजनाहरुको बारेमा जानकारी गराउँदै कार्यक्रमको सफलताको शुभकामना व्यक्त गर्नुभएको थियो ।
चितवन उद्योग संघका प्रशासकीय अधिकृत गोविन्द प्रसाद पौडेलले सञ्चालन गर्नुभएको कार्यक्रमलाई इकाई समितिका उपाध्यक्ष संयोजक खिल प्रसाद घिमिरेले धन्यवाद मन्तव्य सहित समापन गर्नुभएको थियो ।