भरतपुर/भरतपुर महानगरपालिका वडा नम्बर ७ रिजालचोकमा नेचुरल फर्निचर शोरुम सञ्चालनमा आएको छ । शोरुमको उद्घाटन एभिन्यूज टेभिजिनका अध्यक्ष भास्करराज कर्णिकार, नेपाली सिनेमा जगतका चर्चित अभिनेता आर्यन सिग्देल र चितवन उद्योग संघका अध्यक्ष त्रिलोचन कंडेलले संयुक्त रुपमा गरेका हुन् ।
उद्घाटन गर्दै कणिकारले ग्राहकको चाहना अनुसार व्यवसाय गर्न जरुरी रहेको बताउनुभयो । अहिले कार्यालयमा र घरमा आबश्यक पर्ने फर्निचरहरु गुणस्तरीय पाउन कठिन हुने भन्दै उहाँले यसले वजारको मागलाई सम्बोधन गर्न सहज हुने वताउनुभयो ।
त्यस्तै विशिष्ट अतिथि चितवन उद्योग संघका अध्यक्ष कंडेलले चितवन संभावनानै सभावना भएको जिल्ला भएको भन्दै फर्निचरका आधुनिक शैली स्वदेशमै उत्पादन हुनुपर्ने बताए । विदेशका सामाग्री भित्रदा भन्सार लगायत अन्य खर्चहरु बढ्ने हुंँदा विदेशकै जस्तो गुणस्तरीय सामान उत्पादन गर्न हामी नेपालीनै सक्षम हुनुपर्ने उनको भनाई थियो ।
भरतपुरमा विशेषगरी कार्यालय प्रयोजनका सामग्रीका फर्निचर विक्री वितरण गर्ने केन्द्रको अभाव र स्थानियको आवश्यकतालाई मध्यनजर गर्दै उक्त फर्निचर सञ्चालनमा ल्याएको नेचुरल फर्निचर प्राइभेट लिमिटेडका प्रबन्ध निर्देशक घनश्यम पौडेल श्यामले बताउनुभयो । उहाँले अहिले फर्निचर र फर्निसिङको विक्री वितरणबाट व्यवसाय सुरु गरिएपनि केही समयपछि यस क्षेत्रमा उत्पादन सुरु गर्ने जानकारी दिनुभयो । उहाँले चितवनमा सर्वशुलभ ढङ्गबाट स्तरीय फर्निचर सामग्रीको विक्री वितरण गर्ने बताउनुभयो ।
एक करोडको लगानीमा सञ्चालनमा ल्याइएको नेचुरल फर्निचरले अन्तराष्ट्रिय बजार चाइना, भारत, इन्डोनेसिया र भेदनामबाट ल्याइएका सामग्रीहरुको विक्री वितरण गर्नेछ । भने केही समयपछि स्वदेशी उत्पादनलाई प्राथमिकता दिएर विदेशीभन्दा कम नहुने सामाग्री उत्पादन गर्ने जनाएको छ । फर्निचर तथा फर्निसिङ शोरुमको उद्घाटनका अवसरमा ग्राहकले उक्त शोरुमबाट सामान किन्दा एक हप्तासम्म २० प्रतिशत छुट पाउने व्यवस्था गरिएको छ ।
शोरुममा सफल महिला उद्यमी चन्दना कोइरालाको समेत लगानी रहेको छ । कोइरालाको कपास उद्योग तथा प्रकृति फर्निसिङ्ग शोरुम पनि सोही स्थानमा केही बर्षअघिदेखि सञ्चालनमा रहेको छ ।

Advertisement