राप्ती/चितवन उद्योग संघको सदस्य उद्योग एवं चितवन उद्योग संघ राप्ती इकाई समितिका संयोजक टंकप्रसाद उप्रेती (राम)को ॐ शिव स–मिल एण्ड भेनियर उद्योगमा शुक्रबार भएको भिषण आगलागीको चितवन उद्योग संघको टोलीद्वारा स्थलगत अवलोकन गरिएको छ ।
चितवन उद्योग संघका अध्यक्ष भेषराज दुवाडीको नेतृत्वमा पुगेको टोलीले आगलागी भएको उद्योगको स्थलगत अवलोकनबाट यथार्थ वस्तुस्थिति बुझ्ने काम सम्पन्न गरियो । उक्त अवसरमा अध्यक्ष दुवाडीले आगलागी भएको उद्योगको लागि संघबाट के कस्ता सहयोग गर्न सकिन्छ त्यस विषयमा आफूहरु तयार रहेको समेत बताउनुभयो ।
अवलोकनमा चितवन उद्योग संघका निवर्तमान अध्यक्ष भीमबहादुर पाण्डे, उपाध्यक्षहरु त्रिलोचन कँडेल, प्रतिभा श्रेष्ठ, कार्यकारी निर्देशक मदन चिरञ्जीवी पोखरेल, प्रशासकीय अधिकृत गोविन्द प्रसाद पौडेल, सञ्चार अधिकृत राजु भट्ट, राप्ती इकाई समितिका सह–संयोजक सुदिप ओलीलगागतका उद्योगीहरुको उपस्थिति रहेको थियो ।
शुक्रबार दिउँसो करिब साढे २ बजेतिर आगलागी भएको थियो । आगो निभाउनका लागि भरतपुर, खैरहनी, रसौली ब्यारेकको चारवटा दमकलको सहायताले आगो नियन्त्रणमा आएको थियो ।
आगलागी नियन्त्रणमा नेपाल प्रहरी, शशस्त्र प्रहरी, स्थानीयबासी समेतको उपस्थिति रहेको थियो । विद्युत सर्ट भई भएको आगलागीबाट करीब डेढ करोडको नोक्सानी भएको उद्योगका सञ्चालक गोविन्द उप्रेतीले जानकारी दिनुभयो ।
