खैरहनी/चितवन उद्योग संघ खैरहनी इकाई समितिको तेश्रो वार्षिक साधारण सभा तथा दोश्रो अधिवेशनबाट निर्वाचित कार्यसमितिको दुईवर्षे कार्ययोजना तर्जुमा गोष्ठी थाहा नगरपालिका स्थित चित्लाङ रिसोर्ट, मकवानपुरमा सम्पन्न भयो ।
चितवन उद्योग संघ, खैरहनी इकाई समितिका अध्यक्ष, युवराज पाठकको अध्यक्षतामा सम्पन्न कार्ययोजना गोष्ठीमा उद्योगी एवम् कैलाशपति एग्रो इण्डष्ट्रिज प्रा.लि.का अध्यक्ष केशव वाग्ले प्रमुख अतिथि रहनुभएको थियो । चितवन उद्योग संघ, खैहरनी इकाई समितिका अध्यक्ष युवराज पाठकले स्वागतसँगै कार्यक्रमको उद्देश्य माथि प्रकाश पार्नुभएको कार्यशाला गोष्ठी कार्यक्रममा विभागीय प्रमुखहरुले दुईवर्षे आ–आफ्नो योजना तथा कार्यक्रमहरु पेश गर्नुभएको थियो ।
चितवन उद्योग संघ, खैरहनी इकाई समितिका उपाध्यक्ष डोल बहादुर कार्की (अविनाश)ले सचिवालय विभाग सम्बन्धि योजना प्रस्तुत गर्नुभएको थियो । उक्त समितिको सदस्यहरुमा खैरहनी इकाई समितिका सदस्यहरु केशवराज खनाल र जिनिता बस्नेत रहनुभएको थियो । त्यसैगरी चितवन उद्योग संघ, खैरहनी इकाई समितिका कोषाध्यक्ष शिव प्रसाद चिमरियाले आर्थिक, योजना तथा निर्माण विभाग सम्बन्धि योजना प्रस्तुत गर्नुभएको थियो । उक्त समितिको सदस्यहरुमा खैरहनी इकाई समितिका सदस्य किशोर सागर अधिकारी रहनुभएको थियो ।
त्यस्तै चितवन उद्योग संघ, खैरहनी इकाई समितिका उपाध्यक्ष बुद्धिराज बिसुरालले सदस्यता बिस्तार तथा औद्योगिक भ्रमण विभाग सम्बन्धि योजना प्रस्तुत गर्नुभएको थियो । उक्त समितिको सदस्यमा खैरहनी इकाई समितिका सदस्यहरुमा बद्रीनाथ पोखरेल र कमल शर्मा भुषाल रहनुभएको थियो ।
त्यस्तै चितवन उद्योग संघ, खैरहनी इकाई समितिका सचिव प्रकाश बस्नेतले नीति निर्माण समन्वय विभाग सम्बन्धि योजना प्रस्तुत गर्नुभएको थियो । उक्त समितिको सदस्यहरुमा कार्यसमिति सदस्यहरु विजन खनाल र डा.उमर फारुक रहनुभएको थियो ।
त्यसैगरी चितवन उद्योग संघ, खैरहनी इकाई समिति महिला उद्यमी मञ्चकी अध्यक्ष लक्ष्मी खराल थापाले महिला उद्यमी मञ्च खैरहनीले तयार पारेको योजनाहरु प्रस्तुत पेश गर्नुभएको थियो । उक्त समितिको सदस्यहरुमा महिला उद्यमी मञ्च खैरहनीका सदस्यहरु सविना भट्टराई र मिञ्चु योन्जन लामा रहनुभएको थियो ।
त्यस्तै चितवन उद्योग संघ, खैरहनी इकाई समिति युवा उद्यमी मञ्चका अध्यक्ष अम्बरराज उप्रेतीले युवा लक्षित योजना एवम् कार्यक्रमहरु प्रस्तुत गर्नुभएको थियो ।
६ वटा छुट्टाछुट्टै विभागहरुले प्रस्तुत गरेका योजना तथा कार्यक्रमहरुलाई गोष्ठीमा छलफल गरी आएका योजनाहरुलाई समयमै सक्ने प्रतिवद्धता सहित पास गरिएको थियो । कार्ययोजना तर्जुमा गोष्ठीमा आएका सुझावहरुको टिपोर्ट सँगै गोष्ठीको सहजीकरण चितवन उद्योग संघका सञ्चार अधिकृत राजु भट्टले गर्नुभएको थियो ।
कार्ययोजना तर्जुमा गोष्ठीको उद्घाटन सत्रमा बोल्दै कार्यक्रमका प्रमुख अतिथि केशव वाग्लेले इकाई समितिले जिल्ला संघसँग उद्योगमैत्री नीति निर्माण गर्ने देखि उद्योगीहरुका हकहितका लागि गरिने हरेक गतिविधिहरुमा सहकार्य गरेर बढ्न अघि बढ्नु पर्ने बताउनुभयो । उहाँले चितवन उद्योग संघले आफ्ना माताहतका इकाई समितिहरुले बनाएका योजना तथा कार्यक्रमहरुलाई व्यवहारमा उतार्न प्रेरित गर्ने वातावरण मिलाई सहयोग गर्नुपर्ने धारणा राख्नुभयो ।
चितवन उद्योग संघ, खैरहनी इकाई समितिका सचिव प्रकाश बस्नेतले सञ्चालन गर्नुभएको कार्ययोजना तर्जुमा गोष्ठी कार्यक्रमलाई उद्योग संघ, खैरहनी इकाई समितिका उपाध्यक्ष डोल बहादुर कार्की (अविनाश)ले धन्यवाद मन्तव्य सहित समापन गर्नुभएको थियो ।
