देवचुली नगरपालिकामा रहेको प्रगतिनगर खानेपानी तथा सरसफाई उपभोक्ता संस्थाको अध्यक्षमा खिमानन्द भुसाल ज्यु पुन: निर्वाचित हुनु भएको छ । खानेपानी संस्थाको आठौं अधिवेशन अन्तर्गत भएको निर्वाचनमा नेकपा एमालेका उम्मेदवार भुसालले नेपाली काङ्ग्रेस, नेकपा माओबादी केन्द्र, नेकपा एकीकृत समाजवादी र जनता समाजवादी पार्टीको संयुक्त गठबन्धनका उम्मेदवार नारायणप्रसाद पौडेललाई पराजित गरेका हुन् । भुसालले कुल ५ सय ५९ मतान्तरले पौडेललाई पराजित गरेका हुन्। भुसालले २ हजार ४ मत प्राप्त गर्दा पौडेलले १ हजार ४ सय ४५ मत प्राप्त गरे। यसैगरि सचिव पदमा संयुक्त गठबन्धनका इन्द्रमणी भुसालले नतिजा आफ्नो पक्षमा पारे। उनले कुल १ हजार ६ सय ९९ मत ल्याई आफ्ना प्रतिद्वन्द्वी सूर्यप्रसाद न्यौपानेलाई २१ मतान्तरले हराए। सचिवका उम्मेदवार दवाडीले १ हजार ६ सय ७८ मत ल्याए। लेखा समिती संयोजकमा रत्ना भुसाल १ हजार ८ सय ६ मतका साथ बिजयी भईन। उनका निकटतम लिलाधर अधिकारी १ हजार ५ सय ५३ मत ल्याए। लेखा महिला सदस्य पदमा गीताकुमारी रिजाल न्यौपाने बिजयी भइन । उनले १ हजार ७ सय ६८ मत ल्याउँदा अर्की उम्मेदवार सरस्वती चापागाईंले १ हजार ५ सय ९५ मत ल्याइन। अर्का लेखा शंकरबहादुर नेपालीले १ हजार ६ सय मत प्राप्त गरे।