देवघाट तनहुँ/ देवघाट गाउँपालिका वडा नम्बर ५ को विभिन्न स्थानमा चेकजाँचमा कडाइ गरिएको छ। नेपालको धार्मिक स्थान भनेर देश तथा बिदेशमा परिचीत देवघाटधाममा पछिल्लो समय सवारी साधन वृद्धि संगै बढ्दो सहरीकरणले दिन प्रती दिन जनघनत्वो वृद्धि भएको छ । यसरी प्रतिकुल अवस्थामा हरेक कुराको वृद्धि भइ रहदा सवारी साधनको चाप पनि बढिरहेको हुनाले कुनै पनि अप्रिय घटना नहोस् भनेर देवघाट ईलाका प्रहरी कार्यालयले ट्राफिक सचेतना मुलक कार्यक्रम तथा प्रहरी साझेदारी कार्यक्रम पनि पहिला नै संचालन गरि जनमानसमा ट्राफिक नियम सम्बन्धि जानकारी दिइ सकेको देवघाट ईलाका प्रहरीका इन्चार्ज एकनारायण आचार्यले बताउनु भयो ।

यसरी सवारी साधन चालकहरुलाई विभिन्न तरिकाले सम्झाई बुझाई गर्दा पनि अलि अटेर गर्न थाले पछी चेकजाँचलाई अलि कडाइ गर्नको लागी दमौलीबाट नै ट्राफिक प्रहरी संघ समन्वय गरि देवघाट ईलाका प्रहरी कार्यालयमा एक जना ट्राफिकको माग भएको थियो । सोही अनुरुप एक जना ट्राफिक देवघाट ईलाका प्रहरी कार्यालयमा आएको थियो । पहिलो दिन मंगलबार देवघाटको विभिन्न स्थानहरू देवपुर चोक,टाउन चोक,पुलको मुख र घिनटार चोकमा चेकजाँच सुरु गरेको थियो ।

चेकजाँचमा ट्याक्टर,अटो र मोटरसाइकल गरि ६ वटा सवारी साधन कारबाहीमा परेको थियो । जस बाट करिब ६ हजार बराबरको राजस्व संकलन गरिएको थियो । २० वटा भन्दा बढी सवारी साधनलाई सम्झाई बुझाई गरि छाडिएको थियो । देवघाट ईलाका प्रहरी कार्यालयले पहिले देखि नै चेकजाँच गर्ने गरेको र कारबाहीमा परेका सवारी साधनलाई चिट काट्ने अधिकार जनपथ प्रहरीलाई नहुदा पहिला चिट कट्नको लागि कहिले आपटारी र कहिले जुगेडि पठाउनु पर्ने भएकोले पनि अलि समस्य भएको भन्दै अब भने सहज भएको देवघाट इलाका प्रहरी कार्यालयका इन्चार्ज एक नारायण आचार्य बताउनु भयो । साथै उहाँले सवारी साधनलाई कारबाही गरेर मात्र राजस्व संकलन गर्न नभई जो कोहि कुनै पनि तरिकाले दुर्घटना नहोस् र दुर्घटना हुनाबाट सबैलाई सजग गर्ने उद्देश्यको साथ चेकजाँच कडाइ गरेको र आज पनि देवघाटको विभिन्न ठाँउमा सवारी चेकजाँच गरिएको उहाँले बताउनु भयो ।