काठमाडौं /नेपालमा प्रत्यक्ष विदेशी लगानी अभिवृद्धिका लागि बेलायी राजदूतावासले सहयोग
गर्ने भएको छ । नेपाल लगानीका लागि उपयुक्त वातावरण भएको भन्दै नेपालस्थित बेलायी
राजदूतावासले विदेशी लगानी बढाउन सहयोग गर्ने बताएको हो ।
नेपाल उद्योग परिसंघसँगका पदाधिकारीसँगको छलफलमा नेपालस्थित बेलायती राजदूत
निकोला पिलोटले नेपालमा व्यावसायिक वातावरण सुधार गरी विदेशी लगानी आकर्षित गर्न
सकिने भन्दै बेलायती लगानीकर्ता नेपाल भित्र्याउन आफूले पहल गर्ने बताउनुभयो ।
‘नेपालको विकासमा प्रत्यक्ष विदेशी लगानीले महत्वपूर्ण भूमिका खेल्न सक्छ,’ उहाँले भन्नुभयो
।
राजदूत पिलोटले आउँदा दिन वातावरणीय परिवर्तनका दृष्टिकोणले चुनौतिपूर्ण हुने
बताउनुभयो । उहाँले जलवायु परिवर्तनको प्रभाव न्यूनीकरणका लागि निजी क्षेत्रले काम गर्न
सक्ने पनि उल्लेख गर्नुभयो । ‘हरित ऊर्जा प्रवद्र्धनका लागि निजी क्षेत्रले काम गर्न सक्छ,’
राजदूत पिलोटले भन्नुभयो ।
कोभिड – १९ को नकारात्मक प्रभाव आम जीवन र उद्योग व्यवसायमा परेको भन्नुहुँदै उहाँले
मानवीय र विकास सहायताको क्षेत्रमा बेलायतले नेपाललाई महत्वपूर्ण सहयोग गरेको उल्लेख
गर्नुभयो ।
भेटका क्रममा परिसंघका अध्यक्ष विष्णुकुमार अग्रवालले नेपालमा एकातर्फ बेरोजगारीको
समस्या रहेको र अर्कोतर्फ सीपयुक्त जनशक्तिको अभाव रहेको भन्नु हुँदै सीपयुक्त जनशक्ति
विकास आजको आवश्यकता रहेको बताउनुभयो । उहाँले सीप विकासमा बेलायती सहयोग
कार्यक्रमहरू र परिसंघले सहकार्य गर्न सक्ने उल्लेख गर्नुभयो ।
त्बपिष्लन द्यगकष्लभकक, त्बपिष्लन ऋजबलनभ
नेपालको कूल गार्हस्थ उत्पादनमा उद्योग क्षेत्रको योगदान कमजोर रहेको विद्यमान
परिस्थितिमा परिसंघले मेक इन नेपाल – स्वदेशी अभियान सुरुवात गरेको अध्यक्ष अग्रवालले
बताउनुभयो । उहाँले औद्योगिक विकास, निर्यात प्रवद्र्धन, रोजगारी सिर्जना र स्वदेशी वस्तुको
उपभोग अभिवृद्धि मुख्य लक्ष्य राखेर अघियान अघि बढाइएको उल्लेख गर्नुभयो ।
अध्यक्ष अग्रवालले परिसंघले स्टार्ट अप प्रवद्र्धनका लागि सरकारसँग निरन्तर संवाद गरिरहेको
भन्नुहुँदै साना व्यवसायलाई अर्थतन्त्रको मूल प्रवाहमा ल्याउने गरी काम गर्नुपर्नेमा जोड
दिनुभयो ।
कार्यक्रममा परिसंघका निवर्तमान अध्यक्ष सतिशकुमार मोरले नेपालमा लगानीको प्रसस्त
संभावना रहेको बताउनुभयो । यसैगरी परिसंघका उपाध्यक्ष निर्वाण चौधरीले परिसंघले
अर्थतन्त्रका विकासका लागि विभिन्न क्षेत्रलाई अघि बढाएकोजानकारी गराउनुभयो। यसैगरी
परिसंघका उपाध्यक्ष राजबहादुर शाहले कोभिडले थला परेको नेपालको पर्यटन प्रवद्र्धनका
लागि दूतावासले सहयोग गर्न सक्ने उल्लेख गर्नुभयो । उपाध्यक्ष शाहले परिसंघले नेपालको
पर्यटन उद्योगको विकास एवं प्रवद्र्धनका लागि योजनाबद्ध काम गर्ने बताउनुभयो ।
बेलायती राजदूतावास काठमाडौंमा भएको भेटमा परिसंघका महानिर्देशक यादवप्रसाद
पौड्याल र निर्देशक सविन मिश्रको उपस्थिति थियो ।