भरतपुर/जिल्ला प्रहरी कार्यालय चितवनबाट खटिएको विशेष प्रहरी टोलीले कोठामा लुकाई छिपाई राखेको छ भन्ने सुचनाको आधारमा बुलेट मो.सा थान २ (दुई), पल्सर २२० सि.सि.को मो.सा. थान २ (दुई), पल्सर एन.एस थान १(एक) तथा ना २८ प २६५४ र ना २२ प ६०६६ (नम्बर प्लेटमा लेमिनेशन गरि वास्तिवक भन्दा फरक नम्बरहरु लेखिएको) मोटरसाईकलको भाइजर थान–२ लगायत मोटरसाइकल चोरी तथा खोल्न प्रयोग गरिने बिभिन्न सामाग्रीहरू सहित दुई जनालाई प्रक्राउ गरेको जिल्ला प्रहरी कार्यालय चितवनले जनाएको छ ।
प्रक्राउ पर्नेहरुमा जिल्ला चितवन भरतपुर महानगरपालिका वडा नं.२१ पार्वतपुर बस्ने वर्ष ३१ को रोदित श्रेष्ठ, जिल्ला बारा कलैया उ.म.न.पा.वडा नं.६ बस्ने वर्ष २५ को कृष्ण साह रहेका छन् । पक्राउ परेका उनीहरुलाई चोरी कसुरमा चितवन जिल्ला अदालतबाट म्याद अनुमति लिई थप अनुसन्धान कार्य भईरहेको छ ।
त्यसैगरी रत्ननगरस्थित एजुजेड मोवाइल हाउसबाट बिभिन्न कम्पनीको मोवाईलहरू १९ थान, डमी मोवाईल १२ थान, ल्याप्टप १ थान, घडी ४ थान चोरी गर्ने दुई जनालाई समेत प्रक्राउ गरिएको छ ।
प्रक्राउ पर्नेहरुमा जिल्ला मकवानपुर राक्सिराङ गाउँपालिका वडा नं. ४ घर भई हाल जिल्ला चितवन खैरहनी नगरपालिका वडा नं. १ ज्यामिरे बस्ने बर्ष २२ को कृष्ण तामाङ, बर्ष १६ को नाबालक पुरूष रहेको जिल्ला प्रहरी कार्यालय चितवनले जनाएको छ ।
प्रक्राउ परेकाहरुलाई मुलुकी अपराध संहिता, २०७४ परिच्छेद २० दफा २४१ उपदफा १, २ बमोजिम कसुर, मुलुकी अपराध संहिता, २०७४ परिच्छेद २० दफा २४२ उपदफा २ बमोजिम ३ वर्ष कैद र तीस हजार रुपैयाँसम्म जरिवाना सजाय हुने व्यवस्था रहेको छ ।