यसैक्रममा चितवनमा नेकपा एकीकृत समाजवादी पार्टीको चितवन भेला हुने भएको हो । एकीकृत समाजवादी चितवनले जिल्लामा भेला तथा भेटघाट कार्यक्रम आयोजनालाई तीव्र समेत पारेको छ  भने संगठन निर्माणमा अगुवा कार्यकर्ताहरुसँग परामर्श छलफल समेत जारी राखेको नेकपा एकीकृत समाजवादी चितवनका अध्यक्ष तेजेन्द्रबहादुर खड्काले जानकारी दिए ।

साविक नेकपा एमालेको जिल्ला कमिटी नै नेकपा (एकीकृत समाजवादी) पार्टीमा रुपान्तरण हुने उनको दावी थियो ।  यसअघि नै अध्यक्षमा खड्का, उपाध्यक्षमा अरूण पीडित भण्डारी, कृष्णराज लभ्ली, सचिवमा प्रकाश ढुंगाना, सहसचिवमा कुलप्रसाद लामिछाने र दिव्य शर्मा आचार्य रहेका छन् ।