यस अवधिमा स्क्रब टाइफसका एक जना बिरामीको मृत्यु भएको स्वास्थ्य कार्यालय चितवनकी जनस्वास्थ्य अधिकृत गीताञ्जली ढकालले जानकारी दिइन्। आर्थिक वर्ष २०७६÷०७७ मा १९ हजार २३० जनामा डेंगुको परीक्षण हुँदा चार हजार ८०३ जनामा संक्रमण पुष्टि भएको थियो भने एक हजार ५१६ जनामा स्क्रब टाइफसको परीक्षण हुँदा १२७ जनामा संक्रमण पुष्टि भएको थियो। उक्त वर्ष डेंगुका कारण तीन जना र स्क्रब टाइफसका कारण दुई जनाले ज्यान गुमाएका थिए।

आर्थिक वर्ष २०७७÷०७८ मा सबैभन्दा धेरै संक्रमित भरतपुर महानगरपालिकामा देखिएको थियो। महानगरपालिकामा मात्रै डेंगुका ७४ र स्क्रब टाइफसका ७९ जना संक्रमित भेटिएको तथ्यांकमा उल्लेख छ। यस्तै खैरहनी नगरपालिकामा डेंगुका २० र स्क्रब टाइफसका २५, माडी नगरपालिकामा डेंगुका ९ र स्क्रब टाइफसका १३, रत्ननगर नगरपालिकामा डेंगुका ३० र स्क्रब टाइफसका ३२, राप्ती नगरपालिकामा डेंगुका आठ र स्क्रब टाइफसका १७ जना संक्रमित भेटिएका थिए।

यस्तै कालिका नगरपालिकामा डेंगुका सात र स्क्रब टाइफसका दुई जना बिरामी भेटिएका थिए। इच्छाकामना गाउँपालिकामा भने डेंगु र स्क्रब टाइफस दुवैमा दुई÷दुई जना संक्रमित भिटिएका थिए। नयाँ आर्थिक वर्षको पहिलो महिना सकिए पनि तथ्यांक आउन बाँकी छ।