चितवन/ चितवनमा पछिल्लो २४ घण्टामा थप १८५ जना कोरोना संक्रमित पुष्टि भएको छ। स्वास्थ्य कार्यालय चितवनको अनुसार भरतपुर महानगरपालिकामा ११० जना, खैरहनीमा ८ जना, माडीमा १९ जना, रत्ननगरमा १९ जना, राप्तीमा ३ जना, कालिकामा ६ जना र इच्छाकामनामा एक जना थपिएका हुन् ।यो संगै चितवनमा हालसम्म कुल संक्रमितको संख्या २१,३५२ पुगेको छ ।चितवनमा अहिले संक्रिय संक्रमितको संख्या २,२५१ पुगेको छ । ति मध्य २,०४८ जना होम आईसोलेशन बसेका छन् । १९२ जनाको विभिन्न अस्पतालमा उपचार भईरहेको छ भने ११ जना पब्लिक आईसोलेशनमा रहेका छन् ।
त्यस्तै पछिल्लो २४ घण्टामा २५४ जनाले कोरोना जितेका छन् । यो संगै चितवनमा कोरोना जितेर घर फर्कनेको संख्या १८,७६० पुगेको स्वास्थ्य कार्यालय चितवनले जनाएको छ । भरतपुर अस्पतालमा गोरखाको एक जनाको कोरोना संक्रमणको कारणले निधन भएको छ । चितवनमा अहिलेसम्म कोरोना संक्रमणबाट ३४१ जनाले ज्यान गुमाएका छन् ।
Advertisement
