गत असार ११ गते मुख्यमन्त्री पोखरेलले गण्डकीमा सबै विनाविभागीय मन्त्रीलाई कार्यभार दिने निर्णय गरेका थिए । सोही निर्णय अनुसार असार १३ गते कांग्रेसबाट सरकारमा सहभागी कुमार खड्काले शिक्षा, संस्कृति, विज्ञान प्रविधि तथा सामाजिक विकास मन्त्रालय, माओवादी केन्द्रबाट मन्त्री बनेकी मधुमाया अधिकारीलाई स्वास्थ्य तथा जनसंख्या मन्त्रालयको पदभार समाले । तर, आचार्यले आफुसँग गरेको सहमति कार्वान्वयन नभएसम्म तोकिएको जिम्मेवारी नसमाल्ने अडान राखेका थिए ।  वैकल्पिक सरकार गठनका लागि गठबन्धन गर्ने समयमा मुख्यमन्त्री पोखरेलले जसपालाई अर्थ मन्त्रालय दिने सहमति गरेका थिए । तर, अहिलेसम्म सहमती कार्वान्वयन भने हुन सकेको छैन ।