भरतपुर/चितवनका उद्योगहरुमा सुरक्षा निकायका महत्वपूर्ण नम्बर सहितको औद्योगिक सुरक्षा स्टिकर टाँस तथा स्थानीय तहमा रहेका उद्योगहरुको यथार्थ वस्तुस्थितिको अवस्था पहिचान गर्ने उद्देश्यका साथ तथ्याङ्क अद्यावधिक अभियान–२०७६ को शुभारम्भ गरियो । चितवन उद्योग संघका अध्यक्ष भेषराज दुवाडीको सभापतित्वमा सम्पन्न कार्यक्रममा चितवन जिल्लाका प्रमुख जिल्ला अधिकारी नारायण प्रसाद भट्टराई प्रमुख अतिथि रहनुभएको थियो ।

कार्यक्रमका प्रमुख अतिथि प्रमुख जिल्ला अधिकारी भट्टराईले औद्योगिक सुरक्षा स्टिकर टाँस गरेर कार्यक्रमको उद्घाटन गर्नुभएको थियो । चितवन आगमन सँगै प्रमुख जिल्ला अधिकारी भट्टराईको सम्वत यो नै पहिलो कार्यक्रम हो । प्रमुख अतिथि भट्टराईले चितवन आउँदै गर्दा उद्योगीहरुबाट भएको स्वागत एवं सम्मानले आफूलाई निकै हौसला मिलेको बताउनुभयो । उहाँले चितवन बसाईका क्रममा उद्योगीहरुसँग सहकार्य गर्ने उद्योग संघले अघि सारेका परियोजनाहरुमा सँगै रहेर अघि बढ्ने समेत बताउनुभयो ।
कार्यक्रमका प्रमुख अतिथि एवं अतिथिहरुलाई बरिष्ठ उपाध्यक्ष राजु पौडेलले पुष्पगुच्छाले स्वागत गर्नुभएको थियो भने संघका अध्यक्ष भेषराज दुवाडीले कार्यक्रमको उद्देश्य र संघले अघि सारेका परियोजनाहरुको बारेमा प्रकाश पार्नुभएको थियो ।

कार्यक्रम अन्तर्गत प्रमुख जिल्ला अधिकारी नारायण प्रसाद भट्टराईलाई चितवन उद्योग संघका अध्यक्ष भेषराज दुवाडी लगायत संघद्वारा स्वागत समेत गरिएको थियो ।
कार्यक्रममा उद्योग वाणिज्य संघ–चितवनका कार्यसमिति सदस्य सोमप्रसाद काप्री, शसस्त्र प्रहरी बल नेपाल नं. १७ गण चितवनका प्रहरी नायव उपरीक्षक सञ्जय भट्टराई, औद्योगिक सुरक्षा गुल्म नं. २३ का सशस्त्र प्रहरी नायव उपरीक्षक विनोद खतिवडा, वडा प्रहरी कार्यालय नारायणगढका प्रहरी निरीक्षक रविनबाबु रेग्मी, चितवन उद्योग संघका बरिष्ठ उपाध्यक्ष राजु पौडेल, चितवन उद्योग संघका उपाध्यक्षहरु त्रिलोचन कँडेल, सूर्यप्रसाद न्यौपाने, मदन घिमिरे, कार्यकारी निर्देशक गणेशप्रसाद सिलवाल, कार्यसमिति सदस्य विक्रम सापकोटा, मदन चिरञ्जीवी पोखरेल, दुर्गाप्रसाद भण्डारी, बिष्णुप्रसाद पौडेल, जितबहादुर हमाल, युग राज वस्ती, महिला उद्यमी मञ्चका संयोजक सुधा सुवेदी पौडेल, निर्देशक पार्वती कुँबर, चितवन उद्योग संघ युवा उद्यमी मञ्चका संयोजक अमर घिमिरे, प्रशासकीय अधिकृत गोविन्द प्रसाद पौडेल, सञ्चार अधिकृत राजु भट्ट, इभेन्ट सुपरभाइजर दिपक दुवाडीलगायतको उपस्थिति रहेको थियो ।

चितवन उद्योग संघका कार्यकारी निर्देशक गणेशप्रसाद सिलवालले सञ्चालन गर्नुभएको कार्यक्रमलाई योजना तथा नीति निर्माण एवं सामाजिक उत्तरदायित्व वहन उपसमितिका संयोजक मदन घिमिरेले धन्यवाद मन्तव्य सहित समापन गर्नुभएको थियो ।

त्यस लगत्तै योजना तथा नीति निर्माण एवं सामाजिक उत्तरदायित्व वहन उपसमितिका संयोजक मदन घिमिरेको संयोजकत्वमा गएको टोलीले भरतपुर क्षेत्रमा रहेका हमाल प्लाष्टिक उद्योग, पिया प्लाष्टिक उद्योग, चितवन प्लाष्टिक उद्योग, जय गणेश प्लाष्टिक उद्योग, बिष्णु प्लाष्टिक उद्योग, त्रिदेव इन्जिनियरिङ, एभरेष्ट अटो इण्डष्ट्रिज, गौतम खाद्य उद्योग, डेलि पोलिमर्श, लिप्टोन सफ्ट ड्रिङक उद्योग, ओली प्लाष्टिक, यति डिष्ट्रिलरी, युनाइटेड प्याकेजिङ, श्री प्लाष्टिक पाईप उद्योग, न्यू श्रेष्ठ एण्ड सप्लायर्स, बासु इलेक्ट्रिक, स्वर्ण म्याच उद्योग, श्री गणेश प्लाष्टिक उद्योग, बन्दना प्लाष्टिक उद्योग, चितवन पोलि पाईप उद्योग, शिवम प्लाष्टिक उद्योग, आकाश प्लाष्टिक उद्योग, चितवन हिम पाईप, ईको पोलिमर्स, तिलक इन्जिनियरिङ, हाईटेक डेभलपर्स प्रा.लि., नेपाल वेलहोप, कामधेनु एग्रो मिक्सलगायतका दुई दर्जन भन्दा बढी उद्योगहरुमा औद्योगिक सुरक्षा स्टिकर टाँस गरिएको थियो ।