रत्ननगर/चितवन उद्योग संघ रत्ननगर इकाई समितिको आयोजनामा रत्नननर इकाई कार्यालय उद्घाटन एवं उद्योगहरुमा चितवनका सुरक्षा निकायका महत्वपूर्ण नम्बर सहितको औद्योगिक सुरक्षा स्टिकर टाँस तथा स्थानीय तहमा रहेका उद्योगहरुको यथार्थ वस्तुस्थितिको अवस्था पहिचान गर्ने उद्देश्यका साथ तथ्याङ्क अद्यावधिक अभियान–२०७६ को शुभारम्भ भएको छ ।

चितवन उद्योग संघका कार्यसमिति सदस्य एवं रत्ननगर इकाई समितिका संयोजक गजेन्द्र अधिकारीको अध्यक्षतामा सम्पन्न कार्यक्रममा रत्ननगर नगरपालिकाका प्रमुख नारायण वन प्रमुख अतिथि रहनुभएको थियो । प्रमुख अतिथि वनले चितवन उद्योग संघ रत्ननगर इकाई समितिको कार्यालयको उद्घाटन गर्नुभएको थियो । कार्यालय उद्घाटनपछि बेल्सीचोक, चितवनमा रहेको रिजाल फुड्स एण्ड वेभरेज प्रा.लि.बाट सुरक्षा निकायका महत्वपूर्ण नम्बर सहितको औद्योगिक सुरक्षा स्टिकर टाँस गरेर स्टिकर टाँस कार्यक्रमको समेत उद्घाटन गर्नुभएको थियो ।

कार्यक्रममा चितवन उद्योग संघका अध्यक्ष भेषराज दुवाडी, निवर्तमान अध्यक्ष भीमबहादुर पाण्डे, रत्ननगर उद्योग वाणिज्य संघका अध्यक्ष राजाराम रेग्मी, औद्योगिक सुरक्षा गुल्म नं. २३ का सशस्त्र प्रहरी नायव उपरीक्षक विनोद खतिवडा, इलाका प्रहरी कार्यालय रत्ननगरका प्रहरी नायव उपरीक्षक भावेष रिमाल, चितवन उद्योग संघका उपाध्यक्ष एवं खैरहनी इकाई समितिका संयोजक प्रतिभा श्रेष्ठ, कार्यकारी निर्देशक गणेशप्रसाद सिलवाल, कार्यसमिति सदस्य दुर्गाप्रसाद भण्डारी, राशी लामा, गोपाल प्रसाद गैरे, कार्यसमिति सदस्य एवं कालीका इकाई समितिका संयोजक प्रकाशचन्द्र भट्टराई, कार्यसमिति सदस्य हरिप्रसाद भट्ट, चितवन उद्योग संघ रत्ननगर इकाई समितिका निर्देशकहरु, प्रशासकीय अधिकृत गोविन्द प्रसाद पौडेल, लेखा अधिकृत प्रकाश सुवेदी, सञ्चार अधिकृत राजु भट्ट, कार्यालय सहायक सावित्री पौडेललगायत उद्योगीहरुको उपस्थिति रहेको थियो ।

कार्यक्रम अन्तर्गत शनिबार रिजाल फुड एण्ड वेभरेज, एसवाई प्यानल, एग्रोमिक्स फिड इण्डष्ट्रिज, स्मार्ट फुड एण्ड स्न्याक्स, अर्किड होम पाइप, किसान दाना, युनाईटेड वेभरेज, शिखर पोल्ट्री, इच्छाकामना पोल्ट्री, कालिमा ह्चायरी, युनाईटेड चितवन प्रा.लि., नेपाल पल्प एण्ड क्रेट, सुमंगल दाना उद्योग, रत्ननगर प्याकेजिङ र ब्रदर्श फुड एण्ड वेभरेज लगायतका उद्योगहरुमा औद्योगिक सुरक्षा स्टिकर टाँस गरिएको थियो ।
चितवन उद्योग संघ रत्ननगर इकाई समितिका सचिवालय निर्देशक वेदप्रसाद भट्टराईले सञ्चालन गर्नुभएको कार्यक्रमलाई इकाई संयोजक गजेन्द्र अधिकारीले समापन गर्नुभएको थियो ।