रत्ननगर/चितवन उद्योग संघ रत्ननगर इकाई समिति र चितवन उद्योग संघ महिला उद्यमी मञ्चको संयुक्त आयोजनामा सञ्चालित ७ दिने क्रिष्टलको गरगहना बनाउने तालिमको एक कार्यक्रमका बीच समापन गरिएको छ ।
चितवन उद्योग संघ रत्ननगर इकाई समितिका अध्यक्ष गजेन्द्र अधिकारीको सभापतित्वमा सम्पन्न कार्यक्रममा चितवन उद्योग संघका उपाध्यक्ष एवं क्षमता अभिवृद्धि एवं औद्योगिक भ्रमण विभागका संयोजक दुर्गा प्रसाद भण्डारी प्रमुख अतिथि रहनुभएको थियो । प्रमुख अतिथि भण्डारीले तालिममा सिकेको ज्ञानलाई व्यवहारमा उतार्न सकेमात्र तालिम फलदायी हुने हुँदा ज्ञानलाई सक्दो सदुपयोग गर्न आग्रह समेत गर्नुभयो ।
समापन कार्यक्रममा चितवन उद्योग संघ महिला उद्यमी मञ्चका अध्यक्ष एवं कार्यसमिति सदस्य सुधा सुवेदी पौडेल, महिला उद्यमी मञ्च रत्ननगरकी अध्यक्ष एवं कार्यक्रम संयोजक प्रमिला पोखरेल, कार्यक्रमका प्रशिक्षक गोमा अम्गाईले तालिम सकेर जान लाग्नु भएका प्रशिक्षार्थीहरुलाई शुभकामना दिनुभएको थियो ।
प्रशिक्षार्थीको तर्फबाट सरस्वती बस्नेतले तालिममा सिकेका आफ्नो अनुभव सहित मन्तव्य राख्नुभएको थियो भने समापन कार्यक्रममा चितवन उद्योग संघ महिला उद्यमी मञ्चकी सदस्य दक्षिणा गैह्रे न्यौपाने, संघका कार्यक्रम अधिकृत विकास भट्ट लगायतको उपस्थिति रहेको थियो ।
कार्यक्रमका प्रमुख अतिथि भण्डारीले तालिमका प्रशिक्षार्थीहरुलाई प्रमाणपत्र वितरण गर्नुभएको थियो । तालिममा भगवती भट्टराई, अप्सरा रेग्मी, रितु दुलाल, पार्वती अर्याल, लक्ष्मी घिमिरे, निर्मला ढकाल, सुनमाया घिसिङ, सिमाना बोहोरा, शर्मिला पुरी, शान्ति कुमारी हमाल भट्टराई, सरस्वती बस्नेत, सम्झना अधिकारी, लक्ष्मी थापा, लिलाबती अधिकारी, विपना श्रेष्ठ, दिल कुमारी गुरुङ, लक्ष्मी विश्वकर्मा लगायतको सहभागिता रहेको थियो ।
चितवन उद्योग संघका प्रशासकीय अधिकृत गोविन्द प्रसाद पौडेलले सञ्चालन गर्नुभएको कार्यक्रमलाई चितवन उद्योग संघ रत्ननगर इकाई समितिका अध्यक्ष गजेन्द्र अधिकारीले धन्यवाद मन्तव्य सहित समापन गर्नुभएको थियो ।
Advertisement
