भरतपुर/म्याजेस्टिक गु्रपको आयोजनामा टिन वल्र्डवाइड नेपालको फाइनल प्रतियोगिता सम्पन्न भएको छ ।
म्याजेस्टिक गु्रपका प्रबन्ध निर्देशक प्रोसेसजङ थापाको सभापतित्वमा सम्पन्न कार्यक्रममा पत्रकार राजु भट्ट प्रमुख अतिथि रहनुभएको थियो । प्रमुख अतिथि भट्टले यस्ता खाले प्रतियोगितालाई समाजले हेर्ने दृष्टिकोणमा परिवर्तन गर्दैै लैजानु पर्ने र यस्ता कार्यक्रमहरुले युवायुवतीहरुमा आफूभित्र भएको प्रतिभालाइै प्रर्दशित गर्दै क्षमता अभिवृद्धिसँगै समाज रुपान्तरणमा टेवा पुग्ने बताउनुभयो । प्रतियोगितामा प्रभा थापा, प्रवित्रा अधिकारी विशिष्ट अतिथि रहनुभएको थियो ।
प्रतियोगितामा युवा व्यवसायी राकेशमान श्रेष्ठ प्रमुख निर्णायक, मोडल एवं टिकटक स्टार सिजन क्षेत्री, इभेन्ट अर्गानाइजर रिता लोहनी निर्णायकमा हुनुहुन्थ्यो ।
प्रतियोगिताको टे«निङ अवधिदेखि विभिन्न विधाहरु र फाइनल राउण्डमा प्रस्तुत भएका परिचय राउण्ड, फेशन राउण्ड, प्रश्नउत्तर राउण्ड, कपल राउण्ड र लिखित राउण्डका आधारमा निर्णायकहरुले गरेको निर्णयको आधारमा बिजेता घोषणा गरिएको थियो ।
प्रतियोगितामा आफ्ना प्रतिस्पर्धीहरुलाई पछि पार्दै सबु सुनारले ताज हात पारेकी थिइन । त्यस्तै फष्ट रनरअफ असिम चौधरी र सेकेण्ड रनरअफ आसकुमारी गुरुङले हात पारेका थिए । प्रतियोगिता अन्तर्गत विभिन्न अवार्डहरु समेत प्रदान गरिएको थियो । जसमा मिस सोसल अवार्ड आशकुमारी गुरुङ, फोटोजेनिक अवार्ड सबु सुनार, मिष्टर हेण्डसम अवार्ड असिम चौधरी, मोष्ट ट्यालेन्ट अवार्ड प्रदिप थापा र भ्युअर च्वाइस अवार्ड ज्योति राउतले प्राप्त गरेका थिए ।
भिजन फिल्मस् स्टुडियोले छायाँकन गरेको प्रतियोगितालाई संकेत गौतमले सञ्चालन गरेका थिए ।
