सौराहा/रत्ननगर सौराहा क्षेत्रमा रहेका उद्योगीहरु र चितवन उद्योग संघका पदाधिकारीबीच छलफल सम्पन्न भएको छ ।
रत्ननगरको सौराहामा सम्पन्न छलफल कार्यक्रम चितवन उद्योग संघका कार्यसमिति सदस्य एवं रत्ननगर इकाई समितिका संयोजक गजेन्द्र अधिकारीको सभापतित्वमा सम्पन्न भएको थियो । छलफल कार्यक्रममा क्षेत्रीय होटल संघका अध्यक्ष दिपक भट्टराई प्रमुख अतिथि रहनुभएको थियो ।

छलफल कार्यक्रममा चितवन उद्योग संघका अध्यक्ष भेषराज दुवाडी, रेष्टुरेण्ट एण्ड वार एशोसिएसन नेपाल (रेवान)का अध्यक्ष दिपेन्द्रप्रसाद खतिवडा विशिष्ट अतिथि रहनुभएको थियो । छलफल कार्यक्रममा चितवन उद्योग संघका अध्यक्ष एवं नेपाल उद्योग परिसंघका अध्यक्ष भेषराज दुवाडीले चितवन उद्योग संघले अघि सारेका परियोजनाहरु, कार्यक्रमको उद्देश्य माथि प्रकाश पार्नुभएको थियो ।

कार्यक्रममा चितवन उद्योग संघका निवर्तमान अध्यक्ष भीमबहादुर पाण्डे, चितवन उद्योग संघका सदस्य एवं कालीका इकाई समितिका संयोजक प्रकाशचन्द्र भट्टराई, क्षेत्रीय होटल सघका निवर्तमान अध्यक्ष ज्ञानेन्द्र कुमार विष्ट, मृगकुञ्ज मध्यवर्ती उपभोक्ता समितिका निवर्तमान अध्यक्ष वासुदेव ढुङ्गाना, युनाइटेड हात्ती सञ्चालन सहकारीका अध्यक्ष ऋषि तिवारी, वाघमारा मध्यवर्ती वन उपभोक्ता समितिका अध्यक्ष जितु तामाङ्ग, चितवन उद्योग संघका प्रशासकीय अधिकृत गोविन्द प्रसाद पौडेल, इभेन्ट सुपरभाइजर दिपक दुवाडीलगायत सौराहा क्षेत्रका उद्योगी व्यवसायीहरुको उपस्थिति रहेको थियो ।