रत्ननगर/कुखुरा व्यवसायी संघ, पूर्वी चितवनको छैठौं वार्षिक साधारण सभा तथा चौंथो अधिवेशनबाट हरिकृष्ण खनालको नेतृत्वमा १७ सदस्यीय कार्यसमिति चयन भएको छ ।
संघको उपाध्यक्षमा राममणि थपलिया, महासचिवमा पुरु खनाल, सचिवमा रामचन्द्र दवाडी, कोषाध्यक्षमा हरि अधिकारी, सदस्यहरुमा परशुराम अधिकारी, प्रकाशमणि सापकोटा, महेश पाण्डे, बुद्धिमान विक, कृष्ण सेढाईं, अशोक पोख्रेल, अनुप विसुराल, मेघनाथ पौडेल, सुमन सुवेदी (दिलीप) र महिला सदस्यमा अन्जना केसी निर्विरोध चयन भएका छन् ।

भीमनारायण श्रेष्ठको सभापतित्वमा सम्पन्न कार्यक्रममा प्रदेश नं ३ का सांसद घनश्याम दाहाल प्रमुख अतिथि, प्रदेश नं ३ कि सांसद् कञ्चन खनाल विशिष्ट अतिथि र नेपाल पोल्ट्री महासंघका सचिव त्रिलोचन कँडेल, रत्ननगर नगरपालिकाका प्रवक्ता राजेन्द्र हमाल, नेपाल कुखुरा व्यवसायी मञ्चका उपाध्यक्ष रघुनाथ भट्ट, नेपाल अण्डा उत्पादक संघका केन्द्रीय अध्यक्ष शिवराम केसी, नेपाल कुखुरा बजार व्यवस्थापन समिति उपाध्यक्ष निराजन खनाल, नेपाल कुखुरा अण्डा चल्ला वितरक संघका तथा नेपाल दाना संघको उपाध्यक्ष विनाद पोख्रेल, नेपाल किसान संघका अध्यक्ष झलक पौडेल, उद्योग वाणिज्य संघ रत्ननगरका राजाराम रेग्मी अतिथि रहनुभएको थियो ।

निर्वाचन कार्यक्रमको निर्वाचन संयोजकमा संघका पूर्वअध्यक्ष ज्ञानबहादुर बिसुराल र निर्वाचन समिति सदस्यहरुमा विनोद पोख्रेल, द्रोण लामिछाने रहेका थिए ।