भरतपुर/लायन्स क्लव अफ भरतपुर चौतारीको आयोजनामा चार्टर डे (स्थापना दिवस) को अवसर पारेर डेण्टल शिविर सम्पन्न भएको छ ।
लायन्स क्लव अफ भरतपुर चौतारीका अध्यक्ष गंगादेवी भट्टराईको अध्यक्षतामा सम्पन्न डेण्टल शिविरमा लायन्स क्लव अफ भरतपुर चौतारीका पूर्व अध्यक्ष एवं डिष्ट्रिक ३२ (बि)२ का स्टाटिजीक चिफ डा.शारदा कुँबर प्रमुख अतिथि रहनुभएको थियो ।

जखडीमाई आधारभूत विद्यालयको प्राङ्गणमा सम्पन्न डेण्टल शिविरमा विद्यालयका करीब ८० जना विद्यार्थीहरुको दन्त परीक्षण गरिएको थियो । दन्त परीक्षण सँगै सहभागी विद्यार्थीहरुलाई ब्रस र पेष्ट समेत वितरण गरिएको थियो ।
डेण्टल शिविरमा मंगलम् डेण्टलका दन्तरोग विशेषज्ञ डाक्टर स्वस्ति घिमिरे लगायतको टोलीले विद्यार्थीहरुको दन्त परीक्षण गर्नुभएको थियो भने अनु गुरुङले डाक्टरको टिमलाई सहयोग गर्नुभएको थियो ।
लायन्स क्लव अफ भरतपुर चौतारीका सचिव लायन्स निर्मल पण्डितले सञ्चालन गर्नुभएको शिविरमा जखडीमाई आधारभूत विद्यालयका प्राचार्य उपेन्द्रराज सेढाईं लगायतले शिविर सञ्चालनको बारेमा आफ्नो धारणा राख्नुभएको थियो । कार्यक्रमलाई लायन्स क्लव अफ भरतपुर चौतारीका फष्ट भि.पि.देवी आचार्यले धन्यवाद मन्तव्य सहित समापन गर्नुभएको थियो ।