चितवन उद्योग संघका सञ्चार अधिकृत, चितवन औद्योगिक विकास साकोसका शेयर सदस्य एवं संघको सदस्य उद्योग उज्यालो टाईम्स मिडिया एण्ड एड्भरटाइजिङ्ग प्रा.लि.का सञ्चालक राजु भट्टज्यूकी ममतामयी हजुरआमा बिष्णु माया भट्टको ९० वर्षको उमेरमा भएको निधनले चितवन उद्योग संघ, चितवन औद्योगिक विकास साकोस परिवारलाई स्तब्ध बनाएको छ । मृत्यु शोकको यस दुःखद् घडीमा दिवङ्गत आत्माको चिरशान्ति र सायुज्य प्राप्तिको कामना गर्दै भावपूर्ण श्रद्धाञ्जली अर्पण गरिन्छ ।

समवेदना प्रकट कार्यक्रममा चितवन उद्योग संघका बरिष्ठ उपाध्यक्ष त्रिलोचन कँडेल, कार्यकारी निर्देशक गणेश प्रसाद सिलवाल, प्रशासकीय अधिकृत गोविन्द प्रसाद पौडेल, लेखा अधिकृत सुरेन्द्र ठाकुर, इभेन्ट सुपरभाइजर दिपक दुवाडी, चितवन औद्योगिक विकास साकोसका लेखापाल प्रवेश अधिकारी, फिल्ड सहायक उमेश श्रेष्ठ, कार्यालय सहायक शोभा थापा लगायतको उपस्थिति रहेको थियो ।

यसैबीच चितवन मेटल इन्जिनियरिङ्ग एण्ड फेब्रिकेशन उद्योग समितिद्वारा समवेदना प्रकट गरिएको थियो । समवेदना प्रकट कार्यक्रममा चितवन मेटल इन्जिनियरिङ्ग एण्ड फेब्रिकेशन उद्योग समितिका कोषाध्यक्ष राजकुमार श्रेष्ठ, कार्यसमिति सदस्य लोकनाथ सुवेदी, कार्यालय सहायक शोभा थापा लगायतको उपस्थिति रहेको थियो ।