भरतपुर/७१औँ राष्ट्रिय प्रजातन्त्र दिवसको अवसर पारेर चितवन उद्योग संघले अस्पतालमा उपचाररत करीब दुईसय भन्दा बढी बिरामीहरुलाई फलफूल एवं जुस वितरण गरेको छ ।
चितवन उद्योग संघका अध्यक्ष राजु पौडेलको संयोजकत्वमा सम्पन्न फलफुल एवं जुस वितरण कार्यक्रममा राष्ट्रिय सभा राष्ट्रिय सरोकार तथा समन्वय समिति सभापति पार्वती रावलले अस्पतालको आकस्मिक कक्षमा उपचाररत बिरामीलाई फलफूल प्रदान गरेर कार्यक्रमको शुभारम्भ गर्नुभएको थियो ।
त्यस्तै, भरतपुर महानगरकी प्रमुख रेनु दाहाल, उपप्रमुख पार्वती शाह ठकुरी, प्रमुख जिल्ला अधिकारी नारायण प्रसाद भट्टराई, चितवन उद्योग संघका अध्यक्ष राजु पौडेल, भरतपुर अस्पतालका मेडिकल सुपरिटेन्डेन्ट डा.बासुदेव पाण्डे, संघका बरिष्ठ उपाध्यक्ष त्रिलोचन कँडेल, कार्यकारी निर्देशक गणेशप्रसाद सिलवाल, उद्योग संघका कार्यसमिति सदस्यहरु मदन चिरञ्जीवी पोखरेल, गोपाल प्रसाद गैरे, सञ्चार अधिकृत राजु भट्टलगायतले बिरामीलाई फलफूल तथा जुस वितरण गर्नुभएको थियो ।
चितवन उद्योग संघले सामाजिक उत्तरदायित्व वहन गर्दै प्रत्येक वर्ष प्रजातन्त्र दिवसको अवसर पारेर अस्पतालका बिरामीहरुलाई फलफूल वितरण गर्दै आएको छ ।