राप्ती/राप्ती नगर नगरपालिका वडा नं. 5 भन्डारामा आज स्थानिय ब्युटिशियन कमला महतोले सिन्ड्रेला ब्युटी पार्लरको शुभारम्भ गर्नु भएको छ ।
पार्लर संचालिका कमला महतोको अध्यक्षतामा भएको सुभारम्भ कार्यक्रमको प्रमुख अतिथी राष्ट्रिय सौन्दर्यकर्मी युनियन नेपाल केन्द्रीय कमिटी सचिव अञ्जु गुरुङ्गले एक समारोहका बिच उद्घाटन गर्नुभयो ।
उद्घाटनका क्रममा प्रमुख अतिथी गुरुङ्गले व्यबसाय संचालनको शुभकामना सहित हक अधिकार प्राप्तिको लागि युनियन आन्दोलनमा लाग्नुपर्ने कुरामा जोड दिदै दक्ष बन्नु एउटा व्युटिशियनको कर्तव्य भएको र दक्षता हासिल गर्न पाउनु अधिकार भएकाले सीप अभिबृध्दी गराएर जनशक्ति दक्ष बनाउने जिम्मा लिएका संघ संस्थाहरुबाट पक्षपात पुर्ण व्यवहार गरिएमा युनियनले नछोड्ने बताउनु भयो ।
कार्यक्रममा राष्ट्रिय सौन्दर्यकर्मी युनियन नेपाल वाग्मती प्रदेश कमिटी सदस्य राधिका थापा , चितवन जिल्ला कोषाध्यक्ष मन्जु तमाङ्ग,राप्ती नगरपालिका कमिटी अध्यक्ष अमृता थापा लगायतको आतिथ्यता रहेको थियो ।
