कालिका/चितवन उद्योग संघ कालिका इकाई समितिका अध्यक्ष प्रकाशचन्द्र भट्टराईको अध्यक्षमा इकाई समितिको कार्यालयमा भएको विशेष छलफलले विभिन्न महत्वपूर्ण निर्णयहरुको गरेको छ । चितवन उद्योग संघका उपाध्यक्ष दुर्गा प्रसाद भण्डारीको प्रमुख आतिथ्यतामा भएको छलफल कार्यक्रममा हरेक आइतबार कालिका इकाई समितिको कार्यालय सञ्चालन गर्ने, माघ मसान्तसम्म महिला उद्यमी मञ्च कालिका इकाई समितिलाई पूर्णता दिने, कालिका इकाई समितिले नगरपालिका समक्ष माग गरेको कार्यक्रम र त्यसको सञ्चालन प्रक्रियाको बारेमा छलफल गरिएको थियो ।
छलफल कार्यक्रममा चितवन उद्योग संघकी कार्यसमिति सदस्य एवं महिला उद्यमी मञ्चकी अध्यक्ष सुधा सुवेदी पौडेल, महिला उद्यमी मञ्चका सदस्यहरु दक्षिणा न्यौपाने गैह्रे, सिर्जना सोती, महिला उद्यमी मञ्च कालिका इकाईकी अध्यक्ष कल्पना आचार्य, संघका प्रशासकीय अधिकृत गोविन्द प्रसाद पौडेल, कार्यालय सहायक कञ्चन खतिवडा लगायतको उपस्थिति रहेको थियो ।
कार्यक्रम अन्तर्गत कालिका इकाई समितिको हालसम्म अद्यावधिक भएका सदस्य उद्योगहरुको रेकर्ड संघका उपाध्यक्ष दुर्गा प्रसाद भण्डारीले कालिका इकाई समितिका अध्यक्ष प्रकाशचन्द्र भट्टराईलाई हस्तान्तरण समेत गर्नुभएको थियो ।
