रत्ननगर/चितवन मेटल इन्जिनियरिड्ड एण्ड फेब्रिकेशन उद्योग समिति र पूर्वी चितवन सटर ग्रिल उद्योग समन्वय समितिबीच एकीकरण सहित कार्यगत एकता घोषणा सभा सम्पन्न भएको छ । चितवन मेटल इन्जिनियरिड्ड एण्ड फेब्रिकेशन उद्योग समितिका अध्यक्ष ताराबहादुर कार्की र पूर्वी चितवन सटर ग्रिल उद्योग समन्वय समितिका अध्यक्ष दिलिपप्रसाद खनालको संयुक्त अध्यक्षतामा सम्पन्न कार्यगत एकता घोषणा सभामा चितवन उद्योग संघका अध्यक्ष राजु पौडेल प्रमुख अतिथि र चितवन उद्योग संघका निवर्तमान अध्यक्ष भेषराज दुवाडी विशिष्ट अतिथि रहनु भएको थियो ।
कार्यक्रममा अतिथिको रुपमा चितवन उद्योग संघका उपाध्यक्ष एवं रत्ननगर इकाई समितिका अध्यक्ष गजेन्द्र अधिकारी, चितवन उद्योग संघका कार्यसमिति सदस्य एवं खैरहनी इकाई समितिका अध्यक्ष प्रतिभा श्रेष्ठ उपस्थित रहनुभएको थियो । पूर्वी चितवन सटर ग्रिल उद्योग समन्वय समितिका सल्लाहकार गोबिन्द खनालले स्वागत गर्दै कार्यक्रमको उद्देश्य माथि प्रकाश पार्नु भएको थियो भने चितवन मेटल इन्जिनियरिड्ड एण्ड फेब्रिकेशन उद्योग समितिको गतिविधि माथि समितिका अध्यक्ष ताराबहादुर कार्कीले प्रकाश पर्नु भएको थियो ।
चितवन मेटल इन्जिनियरिड्ड एण्ड फेब्रिकेशन उद्योग समितिका अध्यक्षले लिनुभएको ठूलो घडामा पूर्वी चितवन सटर ग्रिल उद्योग समन्वय समितिका अध्यक्षले सानो घडाको पानी ठूलो घडामा राखी कार्यगत एकताको आधिकारिक घोषणा गरिएको थियो । चितवन उद्योग संघका प्रशासकीय अधिकृत गोविन्द प्रसाद पौडेलले सञ्चालन गर्नुभएको कार्यक्रमलाई पूर्वी चितवन सटर ग्रिल उद्योग समन्वय समितिका अध्यक्ष दिलिप प्रसाद खनालले धन्यवाद मन्तव्य सहित कार्यक्रमको समापन गर्नुभयो ।
Advertisement
