भरतपुर/सुरक्षाको पहुँचबाट नजिक रहेको भरतपुर महानगरपालिका वडा नंं–४, न्यूरोडमा रहेको गोल्डेन एग्रो प्रा.लि.को कार्यालयमा बिहीबार राती चोरी भएको छ । रातीको समयमा कार्यालयको ताला फोरी कार्यालय प्रयोजनको लागि राखिएको डेलको ल्यापटप १ थान, लाभा कम्पनीको मोवाइल १ थान, २० हजार नगद सहित करीब १ लाख रुपैयाँ बराबरको चोरी भएको गोल्डेन एग्रो प्रा.लि.का प्रबन्ध निर्देशक मदन घिमिरेले जनाउनु भयो । यसअघि पनि न्यूरोड क्षेत्रमा चोरीका घटनाहरु घट्ने गरेकाले सुरक्षाको पहुँच भएता पनि आफूहरु असुरक्षित भएको स्थानीयहरु बताउछन् ।
हिजोआज जिल्लाका अन्य स्थानहरुबाट मोटरसाइकल, गरगहना लगायतका चोरीका घटनाहरु बढेसँगै जिल्ला प्रहरी कार्यालयले सुरक्षा गतिविधिलाई अझ ब्यापक बनाएको जनाएको छ ।