नवलपरासी /विवेकशील यूवा समाज गैँडाकोट १ नवलपरासीले निःशुल्क कपडा घर स्थापना गरेको छ । जाडो महिनालाई लक्षित गरि विवेकशीलले गैडाकोट २ भृकुटि चोकमा कपडा घर स्थापना गरेको हो । कपडा घरको उद्घाटन भरतपर २ वडाध्यक्ष ध्रुवराज पौडेलले गर्नुभएको थियो । उहाँले युवाहरुले गरेको कामको प्रशंसा गर्नुभयो । यहाँ संकलित कपडा देशभरका अनाथ, असहाय, सडक बालबालिकालाई प्रधान गरिने विवेकशील यूवा समाज गैँडाकोट अध्यक्ष रोशन परियारले बताउनुभयो ।
जाडो महिनाभरि कपडा घर संचालन हुने छ । यसलाई हरेक वर्ष निरन्तरता दिने परियारले जानकारी दिनुभयो । गत वर्ष जाडो महिनामा पनि समाजले गैँडाको ५ कालिगण्डकी चोक र जनक कलेजको अगाडि कपडा घर राखेको थियो ।
यस्तै विवेकशील यूवा समाज गैँडाकोटले त्यहाँका ११ वटा सरकारी विद्यालयमा अध्ययनरत २ सय २० जना गरिब तथा जेहेन्दार विद्यार्थीलाई १ वर्षलाई पुग्ने शैक्षिक सामाग्री वितरण गर्ने योजना बनाएको छ । समाजको कार्यक्रमा सहयोग गर्न इच्छुकले सम्पर्क गर्न सक्ने अध्यक्ष पौडेलको भनाई छ । कार्यक्रममा गैँडाकोट १ का वडाध्यक्ष हरि प्रसाद सापकोटा, भृकुटि चोक टोल सुधारका अध्यक्ष केशव तिवारी, समाज सेवी रत्न सापकोटा, विवेकशील यूवा समाज गैँडाकोटका उपाध्यक्ष अम्बिका कार्की, सचिव पवन केसी, कोषाध्यक्ष अंकित गुरुङ लगायतको उपस्थिति रहेको थियो ।
