भरतपुर/विगत १८–१९ वर्ष अगाडि दर्ता भई विभिन्न कालखण्डहरुमा सञ्चालन प्रक्रियामा आफ्ना शेयर सदस्यहरु, बचतकर्ताहरु माझ सेवा प्रदान गर्न नसकेता पनि विभिन्न आरोह अवरोह पार गर्दै २०७५ साल बैशाखदेखि पुनः कार्यालय सञ्चालन गरी राष्ट्रिय बचत तथा ऋण सहकारी संस्थाले आफ्नो २१ औं बार्षिक साधारणसभा सञ्चालन गर्दै आईरहेको छ ।
कोरोना भाइरस (कोभिड–१९) संक्रमण जोखिमको पूर्ण स्वास्थ्य सावधानीको साथ आफ्नै कार्यालय परिसरमा मंसिर २१, २२, २३ र २४ गतेसम्म आफ्ना बचतकर्ताहरुलाई इकाईगत उपस्थिति गराई साधारणसभाको कार्यक्रमलाई अगाडि बढाईरहेको संस्थाका सचिव अर्जुनकुमार महर्जनले जानकारी दिनुभयो । सचिवद्वारा प्रस्तुत बार्षिक प्रगति विवरण तथा कार्ययोजना प्रतिवेदनमा साना–साना व्यवसायी देखि ठूला–ठूला उद्योग, व्यवसायीहरुको समेत प्रत्यक्ष रुपमा लगानी रहेको, नेप्फ्स्कूनद्वारा सञ्चालित सहकारी स्तरीकरण कार्यक्रम एचयदबतष्यल र राष्ट्रिय सहकारी बैंकद्वारा सञ्चालित सहकारी स्तरीयकरण कार्यक्रम ऋबचभ मा लैजाने योजना रहेको छ । प्रतिवेदनमा असल ऋणी सदस्यहरुलाई ग्रिनकार्ड एवं ब्याज दिने, संस्थामा कार्यरत कर्मचारीहरुको सेवा, सुविधा, दिपज्योति बचत तथा ऋण सहकारी संस्थासँग एकीकरण, संस्था सञ्चालनको लागि गरिएका बैठकहरुको निर्णयहरुको बारेमा जानकारी गराईएको थियो ।
साधारणसभाले शेयर सदस्यहरुको भावना, मर्म अनुसार नै राष्ट्रिय बचत तथा ऋण सहकारी संस्था र दिपज्योति बचत तथा ऋण सहकारी संस्थाको एकीकरण (मर्जर) प्रक्रिया अगाडि बढाईने, शेयर सदस्य वृद्धि गर्ने, शेयर पूँजी बृद्धि गर्ने लक्ष्य लिइएको राष्ट्रिय बचत तथा ऋण सहकारी संस्थाका अध्यक्ष लोमश श्रेष्ठले जानकारी दिनुभयो । उहाँले भन्नुभयो –संस्थाको विकास र उन्नतिका लागि कुल लगानीको ६० प्रतिशत व्यवसायिक कर्जा, ३० प्रतिशत उद्योग एवं उत्पादनमूलक र २० प्रतिशत कृषि उपज एवं वेचविखन कर्जामा लगानी गरिने, तालिम, गोष्ठी, अवलोकन तथा क्षमता विकासका कार्यक्रम सञ्चालन, जनशक्ति व्यवस्थापन प्रविधिको उच्चतम प्रयोग र भौतिक व्यवस्थापन लगायतका कार्यक्रमलाई अगाडि बढाईने संस्थाका अध्यक्ष श्रेष्ठले बताउनुभयो ।
