राष्ट्रिय वाणिज्य बैंकका प्रमुख कार्यकारी अधिकृत किरण कुमार श्रेष्ठद्वारा चितवन उद्योग संघको परिसरमा निर्माणाधिन चितवन प्रदर्शनी केन्द्रको अवलोकन गर्नुभएको छ ।
चितवनको पारिवारिक भ्रमणमा रहनु भएका श्रेष्ठले चितवनको मध्य भाग भरतपुरमा निर्माणधिन चितवन प्रदर्शनी केन्द्रको भवन र त्यस क्षेत्रको अवलोकन गर्नुभएको हो । अवलोकनका क्रममा उहाँले प्रदर्शनी केन्द्र रहेको स्थान हरेक कोणबाट निकै महत्वपूर्ण रहेको र व्यवसायिक राष्ट्रिय तथा अन्तर्राष्ट्रिय प्रर्दशनीको लागि निकै उपयुक्त रहेको बताउनुभयो । उहाँले भन्नुभयो–चितवन उद्योग संघ र चितवन प्रदर्शनी केन्द्रसँग आफ्नो संस्थाले सहकार्य गरेर अगाडि बढ्न तयार रहेको बताउनुभयो ।
अवलोकनमा चितवन उद्योग संघका अध्यक्ष राजु पौडेल, निवर्तमान अध्यक्ष भेषराज दुवाडी, गभर्निङ काउन्सिलका अध्यक्ष सोमराज मरहट्टा, पूर्वहरु कृष्णप्रसाद अधिकारी, अध्यक्ष तारा प्रसाद पौडेल, बरिष्ठ उपाध्यक्ष त्रिलोचन कँडेल, उपाध्यक्षहरु सूर्य प्रसाद न्यौपाने, दुर्गा प्रसाद भण्डारी, गजेन्द्र अधिकारी, युग राज वस्ती, कार्यकारी निर्देशक गणेशप्रसाद सिलवाल, पर्यटन व्यवसायी एवं समाजसेवी बासुदेव ढुङ्गाना, प्रशासकीय अधिकृत गोविन्द प्रसाद पौडेल, सञ्चार अधिकृत राजु भट्ट लगायतको उपस्थिति रहेको थियो ।
Advertisement
