भरतपुर/ चितवन : राष्ट्रिय गौरवको रुपमा धुर्मुश शुन्तली फाउन्डेशनले जनस्तरबाट निर्माण गरिरहेको गौतमबुद्ध अन्तर्राष्ट्रिय क्रिकेट रंगशालाको निर्माण प्रयोजनार्थ चितवन उद्योग संघले सहयोग गर्ने घोषणा गरेको रु ६३,७७२२२ (अक्षरेपी त्रिसठ्ठी लाख सतहत्तर हजार दुई सय बाईस मात्र) मध्ये चितवन उद्योग संघले नगद तथा निर्माणमा प्रयोग हुने जिन्सी गरि रु २८६०१७० हस्तान्तरण गरेको छ ।बाकी रकम रु गरिने भएको छ । आज एक विशेष कार्यक्रममा सहयोग रकम हस्तान्तरण गर्दै संघका अध्यक्ष राजु पौडेलले बाकी रकम रु ३५१७०५२ पनि केही समय भित्रमा नै हस्तान्तरण गरिने बताउनु भयो। अध्यक्ष पौडेलले भन्नु भयो सहयोग गरिने बाकी रकम निर्माणमा आवस्यकताको आधारमा माग भए बमोजिम नगद तथा आफ्ना सदस्य उद्योगीको उत्पादन हस्तान्तरण गरिनेछ।
सहयोग हस्तान्तरण कार्यक्रममा संघका अध्यक्ष राजु पौडेल, वरिष्ठ उपाध्यक्ष त्रिलोचन कडेल, उपाध्यक्ष युगराज वस्ती, कार्यकारी निर्देशक गणेश प्रसाद सिलवाल, कार्य समिति सदस्य महेन्द्र बहादुर बानिया, सन्चार अधिकृत राजु भट्ट लगायतको सहभागिता रहेको थियो। रकम हस्तान्तरण कार्यक्रमकै सन्दर्भमा टोलीले निर्माणाधिन रंगशालाको स्थलगत अवलोकन समेत गरेको थियो।