भरतपुर/चितवन उद्योग संघ, महिला उद्यमी मञ्चकी अध्यक्ष सरिता खनाल पौडेल र चितवन उद्योग संघ, युवा उद्यमी मञ्चका अध्यक्ष भरत दवाडीेको संयुक्त अध्यक्षतामा महिला उद्यमी मञ्चको ३५ औं बार्षिक साधारण–सभा र युवा उद्यमी मञ्चको सातौंं साधारण–सभा सम्पन्न भएको छ ।
कार्यक्रमका प्रमुख अतिथि चितवन उद्योग संघका अध्यक्ष मदन घिमिरेले उत्पादन वृद्धि, रोजगारी सिर्जना, आयात प्रतिस्थापन, निर्यात प्रवद्र्धन तथा राजस्व परिचालनमार्फत उद्योग क्षेत्रले मुलुकको अर्थतन्त्रलाई गतिशील बनाउन महत्वपूर्ण योगदान पु¥याउने बताउनुभयो । घिमिरेले साधारणसभाबाट महिला तथा युवा उद्यमशीलताको विकास, औद्योगिक विस्तार र निजी क्षेत्रको सुदृढीकरणका लागि स्पष्ट र प्रभावकारी कार्ययोजना निर्माण गर्ने विश्वास समेत व्यक्त गर्नुभयो ।
त्यस्तै कार्यक्रमका विशिष्ट अतिथि चितवन उद्योग संघ, गभर्निङ काउन्सिलका अध्यक्ष राजु पौडेलले उद्योग स्थापना तथा सञ्चालनका लागि सहज वातावरण निर्माण गर्ने, लगानीकर्ताको विश्वास बढाउने, उत्पादन लागत घटाउने, प्रविधिको प्रयोग विस्तार गर्ने र स्वदेशी उत्पादनलाई प्रतिस्पर्धी बनाउने दिशामा राज्यको नीति केन्द्रित हुनुपर्ने बताउनुभयो ।
त्यस्तै विशिष्ट अतिथि चितवन उद्योग संघका पूर्व अध्यक्ष भेषराज दुवाडीले महिलाहरूले सञ्चालन गरेका साना तथा मझौला उद्योगलाई वित्तीय पहुँच, प्रविधि, सीप विकास, बजार विस्तार, ब्रान्डिङ र निर्यातसँग जोड्न सकिएमा महिला उद्यमशीलताले परिवार मात्र होइन, समग्र अर्थतन्त्रमा महत्वपूर्ण योगदान पुग्ने बताउनुभयो । साधारणसभामा महिला उद्यमी मञ्चकी पूर्व अध्यक्ष पार्वती सुवेदी कुँबर र युवा उद्यमी मञ्चका पूर्व अध्यक्ष सुरेन्द्र कार्कीले शुभकामना व्यक्त गरेका थिए ।
चितवन उद्योग संघ, महिला उद्यमी मञ्चकी अध्यक्ष सरिता खनाल पौडेलले स्वागत मन्तव्य सहित वार्षिक कार्यप्रगति प्रतिवेदन प्रस्तुत गर्नुभएको कार्यक्रममा चितवन उद्योग संघ, युवा उद्यमी मञ्चका सचिवालय निर्देशक अनिष पौडेलले युवा उद्यमी मञ्चले तयार पारेको वार्षिक प्रगति प्रतिवेदन, महिला उद्यमी मञ्चकी कोषाध्यक्ष बिनिता बराल अधिकारी र उद्यमी मञ्चका आर्थिक निर्देशक ढाकाराम भण्डारी (आशिष)ले आर्थिक प्रतिवेदन प्रस्तुत गरेका थिए ।
कार्यक्रममा युवा उद्यमी मञ्चको वेभसाइटको शुभारम्भ, युवा उद्यमी तर्फ नयाँ सदस्यता लिने सदस्यहरुलाई स्वागत र एकवर्षको अवधिमा मञ्चलाई पु¥याएको योगदानको कदर गर्दै अध्यक्ष अवार्डबाट सौरभ रिजाल, आयुष बस्याल, सौगात रिजाल र मिराज भट्टराईलाई सम्मान गरिएको थियो ।
चितवन उद्योग संघ, युवा उद्यमी मञ्चका निर्देशक प्रविन काफ्लेले सञ्चालन गर्नुभएको कार्यक्रमलाई चितवन उद्योग संघ, युवा उद्यमी मञ्चका अध्यक्ष भरत दवाडीले धन्यवाद मन्तव्य सहित समापन गर्नुभएको थियो ।
Advertisement
