रत्ननगर/चितवन उद्योग संघ, रत्ननगर समितिको आठौैंं बार्षिक साधारणसभा सम्पन्न भएको छ । साधारणसभाको एक विशेष कार्यक्रमका बीच रत्ननगर नगरपालिकाका उपप्रमुख यादव प्रसाद पाठकले उद्घाटन गर्नुभएको थियो । कार्यक्रमका प्रमुख अतिथि समेत रहनु भएका पाठकले देशको आर्थिक विकास र समृद्धिको महत्वपूर्ण आधारको रुपमा हेरिएको उद्योगीहरूले रोजगारी सिर्जना, उत्पादन वृद्धि र स्थानीय अर्थतन्त्रलाई चलायमान बनाउन महत्वपूर्ण भूमिका खेल्दै आएका बताउनुभयो । पाठकले चुनौतीहरूका बीच पनि उद्योगीहरूको मेहनत, लगनशीलता र नवीन सोचले देशको विकासमा योगदान पु¥याइरहेको हुँदा उद्योग र उद्योगीलाई प्रोत्साहन गर्दै राज्य, निजी क्षेत्र र समुदायबीच सहकार्य बढाउन सके समृद्ध र आत्मनिर्भर अर्थतन्त्र निर्माण गर्न सकिने बताउनुभयो ।

चितवन उद्योग संघ, रत्ननगर समितिका अध्यक्ष सुवासचन्द्र गौतमले स्वागत मन्तव्य सहित बार्षिक प्रतिवेदन प्रस्तुत गर्नुभएको साधारणसभा कार्यक्रममा विशिष्ट अतिथि चितवन उद्योग संघका अध्यक्ष मदन घिमिरे, चितवन उद्योग संघ, गभर्निङ काउन्सिलका उपाध्यक्ष राजु पौडेल, उद्योग, वाणिज्य तथा पर्यटन कार्यालय चितवनका कार्यालय प्रमुख विनोद पौडेल, पालिका समितिहरुको तर्फबाट माडी समितिका अध्यक्ष जिताराम महतालेले शुभकामना राख्नुभएको थियो ।

साधारणसभाको अवसरमा चितवन उद्योग संघ, रत्ननगर समितिका कोषाध्यक्ष गीता सिम्खडाले कोषाध्यक्षको प्रतिवदेन प्रस्तुत प्रस्तुत गर्नुभएको थियो । कार्यक्रममा समितिका हरेक गतिविधिहरुमा सल्लाह, सुझाव सहित सहयोग गर्ने सहयोगी संस्थाहरु रत्ननगर नगरपालिका कार्यालय, पर्यटन कार्यालय सौराहा, पोखरा थकाली भान्सा घर एण्ड होटल साथी, सक्रिय मत्स्य कृषक समूह, चितवन मेटल इन्जिनियरिङ्ग एण्ड फेब्रिकेशन उद्योग समिति, रत्ननगर लाई सम्मान गरिएको थियो । यसैबीच समिति अन्तर्गत हुने कार्यक्रमहरुमा संयोजनको भूमिका निर्वाह गरी कार्यक्रमलाई सफल बनाएको भन्दै समितिका उपाध्यक्ष माधव थपलिया, सचिव शालिकराम बास्तोला, कोषाध्यक्ष गीता सिम्खडा, कार्यसमिति सदस्य गोकर्ण गिरी, महिला उद्यमी मञ्च, रत्ननगरकी अध्यक्ष बिन्दु शर्मा, महिला उद्यमी मञ्च, रत्ननगरका सदस्यहरु निर्मला पाण्डे, जमुना ओझालाई सम्मान गरिएको थियो । भने, यस आ.व.मा सदस्यता लिने सदस्यहरुलाई समेत प्रमाणपत्रद्वारा सम्मान गरिएको थियो ।

कार्यक्रम अन्तर्गत समितिको भावी नेतृत्वको जिम्मेवारी वहन गर्ने उद्देश्यका साथ समितिका उपाध्यक्षहरुको कार्य मूल्याङ्कनको आधारमा समितिका उपाध्यक्ष माधव थपलियालाई बरिष्ठ उपाध्यक्षमा मनोनयन समेत गरिएको थियो ।
चितवन उद्योग संघ, रत्ननगर समितिका सचिव शालिकराम बास्तोलाले सञ्चालन गर्नुभएको साधारणसभा कार्यक्रमलाई चितवन उद्योग संघ, रत्ननगर समितिका बरिष्ठ उपाध्यक्ष माधव थपलियाले धन्यवाद मन्तव्य सहित कार्यक्रमको समापन गर्नुभएको थियो ।